وفاقی حکومت نے بونی بوزوند تورکہو روڈ کی توسیع اور پختہ کرنے کیلئے فنڈ ریلیز کرنے کی منظوری دے دی۔ایم پی اے وزیرزادہ – Chitral Express

صفحہ اول | تازہ ترین | وفاقی حکومت نے بونی بوزوند تورکہو روڈ کی توسیع اور پختہ کرنے کیلئے فنڈ ریلیز کرنے کی منظوری دے دی۔ایم پی اے وزیرزادہ

وفاقی حکومت نے بونی بوزوند تورکہو روڈ کی توسیع اور پختہ کرنے کیلئے فنڈ ریلیز کرنے کی منظوری دے دی۔ایم پی اے وزیرزادہ

چترال ( محکم الدین ) وفاقی حکومت نے بونی بوزوند تورکہو روڈ کی توسیع اور پختہ کرنے کیلئے فنڈ ریلیز کرنے کی منظوری دے دی ہے ۔ ذرائع کے مطابق تین ہفتے پہلے ایم پی اے چترال وزیر زادہ نے صوبائی وزیر سی اینڈ ڈبلیو اکبر ایوب سے خصوصی ملاقات میں اپر چترال کے بونی بوزوند تورکہو روڈ کی تعمیرمیں تاخیر سے علاقے کے لوگوں میں پائی جانے والی تشویش سے آگاہ کیا تھا۔ اور اس منصوبے کی جلد از جلد تعمیر کے سلسلے میں وفاقی وزیر مواصلات مراد سعید سے خصوصی اقدام اُٹھانے کا مطالبہ کیا تھا ۔ جس کا نوٹس لیتے ہوئے وفاقی حکومت نے بونی بوزوند تورکہو روڈ کو چوڑا کرنے اور پختہ کرنے کیلئے 60ملین روپے ریلیز کئے ہیں ۔ جو اس سڑک پر خرچ کئے جائیں گے ۔ ذرائع کے مطابق ایم پی اے وزیر زادہ نے چترال کے دیگر مسائل سے بھی صوبائی حکومت کو آگاہ کیا ہے ۔ اور حکومت سے ان مسائل کے حل کیلئے اقدامات اُٹھانے کا مطالبہ کیا ہے ۔ جس میں اپر چترال ضلع کے قیام کیلئے درکار وسائل خصوصی طور پر قابل ذکر ہیں ۔ درین اثنا تورکہو کے عوامی حلقوں نے ایم پی اے چترال وزیر زادہ کی طرف سے بونی بوزوند روڈ کی تعمیر میں دلچسپی رکھنے اور فنڈ کی فراہمی کو ممکن بنانے پر اُن کا شکریہ ادا کیا ہے ۔ اور مطالبہ کیا ہے ۔ کہ روڈ کی تعمیر میں مزید تاخیر کئے بغیر کام شروع کیا جائے ۔
اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
دوسروں کے ساتھ اشتراک کریں

یہ خبر بھی پڑھیں

تورکہو روڈ کی خستہ حالی ڈرائیور یونین کی طرف سے تین روز سے پایہ جام ہرتال

چترال(نمائندہ چترال ایکسپریس)تورکہو روڈ کی انتہائی خستہ حالی کی وجہ سے ڈرائیور برادری کا ہرتال تیسرے ...


دنیا بھر سے

error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔