یونین کونسل ایون کے عوام کا خستہ حال چیتر پُل کی فوری مرمت کا مطالبہ – Chitral Express

صفحہ اول | تازہ ترین | یونین کونسل ایون کے عوام کا خستہ حال چیتر پُل کی فوری مرمت کا مطالبہ
Premier Chitrali Woolen Products

یونین کونسل ایون کے عوام کا خستہ حال چیتر پُل کی فوری مرمت کا مطالبہ

چترال ( محکم الدین ) یونین کونسل ایون کے عوام نے خستہ حال چیتر پُل کی فوری مرمت کا مطالبہ کیا ہے ۔ مختلف مکاتب فکر کے لوگوں نے میڈیا سے بات چیت کرتے ہوئے کہا ۔ کہ یونین کونسل ایون چالیس ہزار آبادی پر مشتمل علاقہ ہے ۔ جن کے چترال شہر سے رابطے کا اہم ذریعہ چیتر پُل ہے ۔ لیکن یہ پُل متعلقہ ادارے کے ذمہ داروں کی بے حسی کے سبب ٹوٹ پھوٹ کا شکار ہو چکا ہے ۔ اور اس پر سے گزرنے والی گاڑیوں اور مسافروں کو پُل کے اُکھڑے ہوئے تختوں اور نیم ٹھونکے ہوئے کیلوں کی وجہ سے انتہائی تکالیف کا سامناہے ۔ مسافر اور مال بردار گاڑیوں کا پُل کراس کرتے ہوئے پنکچر ہونا معمول بن گیا ہے ۔ اور ٹیکسی ڈرائیوروں کی مزدوری ٹائروں کی مرمت پر خرچ ہورہی ہے ۔ لیکن متعلقہ ادارے کے کانوں جوں تک نہیں رینگتی ۔ کہ لوگ کس مشکل اور تکالیف سے دوچار ہیں ۔ پُل کے ٹوٹ پھوٹ کی وجہ سے آنے والے سیاحوں کو ناقابل بیان زحمت اُٹھانی پڑتی ہے ۔ جس سے صوبائی حکومت کی ساکھ کو بھی بُری طرح نقصان پہنچ رہا ہے ۔ انہوں نے کہا ۔ کہ ابھی عیدالفطر قریب ہے ۔ اور عید کے دنوں میں سیاحوں کی بہت بڑی تعداد کالاش ویلیز کی سیر کیلئے آنے کے امکانات ہیں ۔ جس سے پُل پر مزید دباؤ بڑھ جائے گا ۔ اور مسافروں کو اور بھی مشکلات درپیش ہوں گی ۔ جبکہ پُل کے اوپری چند تختے جو ٹوٹ کر اُکھڑ چکے ہیں ، فوری مرمت کرکے مسئلہ حل کیا جا سکتا ہے ۔ عوامی حلقوں نے اس امر پر بھی افسوس کا اظہار کیا ہے ۔ کہ ایکسین سی اینڈ ڈبلیو کا تعلق بھی اسی قصبے سے ہے ۔ لیکن نہ جانے اُن کی نظریں اس پُل کو عبور کرتے ہوئے اس پر کیوں کر نہیں پڑتیں۔انہوں نے کہا ۔ کہ پُل کی فوری مرمت کرکے لوگوں کو مشکلات سے نکالا جائے ۔ جس پر کوئی بڑا خرچہ نہیں ہے ۔ اگر سی اینڈ ڈبلیو ایسا کرنے سے قاصر ہے ۔ تو رمبور ، بمبوریت ، بریر اور ایون کے عوام اور ڈرائیور برادری چندہ جمع کرکے اس کی مرمت کریں گے ۔ لیکن یہ صوبائی حکومت کے ماتھے پر بد نُما داغ ہو گا ۔

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
دوسروں کے ساتھ اشتراک کریں

یہ خبر بھی پڑھیں

چترال بھر کے مساجد کے خطیب، علماء، پیش اماموں کیلئے اعزازیہ دینے کیلئے ان کی دستاویزات کی تصدیق کا دوسرا مرحلہ مکمل۔

چترال(نمائندہ چترال ایکسپریس) صوبائی حکومت کے پالیسی کے تحت صوبے کے دیگر اضلاع کی طرح ...