منقبت بایاداَمام حسین – Chitral Express

صفحہ اول | تازہ ترین | منقبت بایاداَمام حسین
Premier Chitrali Woolen Products

منقبت بایاداَمام حسین

 ۔۔۔۔۔۔سیدنذیرحسین شاہ نذیر
کوستے ہش حاصل نوبوئے مرتبا حسینوغون
تان ژانوفدانوکوئے کربلا حسینوغون
آقائے نامداروای پروانا حسینوغون
ہروش اچی لیرکورازمانا حسینوغون
کوستے ہش حاصل نوبوئے مرتبا حسینوغون

نبیودمداراوشوئے فاطموجگراوشوئے
اسلامورہبراوشوئے وفوای پیکراوشوئے
مظلوغم خوارااوشوئے علیودلبراراوشوئے
ایتوچوکی گیارہموش سلسلہ حسینوغون
کوستے ہش حاصل نوبوئے مرتبا حسینوغون

اللہ دینوبچن ژانونذرانہ اریر
یذیدی فوجو غشری کچہ ٹک شانہ اریر
دنیوتے الودع کوری قبرہ دردانہ اریر
کادی قربانی نودوئی ہیہ راہا حسینوغون
کوستے ہش حاصل نوبوئے مرتبا حسینوغون

عشق کی صادق اوشوئے ژانوتے پرواہ نوکوئے
تان سوروصحراالیتی بے اَب گیاہ نوکوئے
تان شیرن ژانوحاسے نذرسرراہ نوکوئے
تان ہستان پیش کورورنزرانا حسینوغون
کوستے ہش حاصل نوبوئے مرتبا حسینوغون

اخری سجدااریراشرواشکبارکوری
بے سوبت دنیوتے ریتائے خدایارکوری
اسونی حوران پھیری اسپتے انتظارکوری
سوزاؤ جنتہ سف ٹھکانہ حسینوغون
کوستے ہش حاصل نوبوئے مرتبا حسینوغون

نذیر ای مثال ہیہ تابہ قیامت بہچور
شہ بیتی حقوپروشٹہ یذیدوصورت بہچور
غیچ غیچہ حیرت نایورہردیہ صورت بہچور
کاکوئے پیش شیرین ژانوگلدستہ حسینوغون
کوستے ہش حاصل نوبوئے مرتبا حسینوغون

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
دوسروں کے ساتھ اشتراک کریں

یہ خبر بھی پڑھیں

: روالپنڈی میں چترال اینڈ گلگت بلتستان میویکل شواورروایتی کھانوں کی نمائش کا اہتمام

اسلام آباد(نمائندہ چترال ایکسپریس)گذشتہ روز رولپنڈی ارٹس کونسل اور کلرز اف چترال کے زیر اہتمام ...