جشن آزادی جیپ ریلی کے انتظامات کو آخری شکل دینے کے سلسلے میں کمانڈنٹ چترال سکاوٹس کرنل معین کے زیر صدارت اجلاس  – Chitral Express

صفحہ اول | تازہ ترین | جشن آزادی جیپ ریلی کے انتظامات کو آخری شکل دینے کے سلسلے میں کمانڈنٹ چترال سکاوٹس کرنل معین کے زیر صدارت اجلاس 
Premier Chitrali Woolen Products

جشن آزادی جیپ ریلی کے انتظامات کو آخری شکل دینے کے سلسلے میں کمانڈنٹ چترال سکاوٹس کرنل معین کے زیر صدارت اجلاس 

چترال (نمائندہ چترال ایکسپریس) پا ک آرمی کے زیر اہتمام جشن آزادی جیپ ریلی کے انتظامات کو آخری شکل دینے کے سلسلے میں کمانڈنٹ چترال سکاوٹس کرنل معین کے زیر صدارت منعقدہ اجلاس میں اس بات پر زور دیا گیا کہ ایسے پروگرامات ترتیب دئیے جائیں کہ لوگوں میں حب الوطنی کا جذبہ مزید ذیادہ ہو اور قومی ہم آہنگی مزید مضبوط بنیادوں پر استوار ہو اور ہم ستر سال پہلے حاصل کی ہوئی آزادی کی نعمت سے نئی نسل کو شعوری طو رپر آگاہی دے سکیں۔ ڈسٹرکٹ پولیس افیسر سید علی اکبر شاہ، اسسٹنٹ کمشنر چترال عبدالاکرم، پولو ایسوسی ایشن کے صدر شہزادہ سکندر الملک، فور بائی فور کلب کے شہزادہ رضا ء الملک ، چترال سکاوٹس کے ونگ کمانڈر لیفٹیننٹ کرنل آفتاب اوردوسروں کی موجودگی میں ایک غیر معمولی اجلاس میں کمانڈنٹ نے پروگرام کو آخری شکل دیتے ہوئے فیصلہ کیاکہ 20اکتوبر کو پولو گراونڈ چترال میں پولو کی ایک نمائشی پولومیچ اور رنگارنگ پروگرامات کے بعد چترال کے قافلے کو رخصت کیا جائے گا جوکہ بیس جیپوں پرمشتمل ہوگی اور شندور میں رات گزارنے کے بعد جگلوٹ گلگت سے ہوتے ہوئے وفاقی دارالحکومت اسلام آباد میں اختتام پذیر ہوگی۔ انہوں نے کہاکہ کور کمانڈر پشاور اور جنرل افیسر کمانڈنگ سوات کا اس تقریب میں شرکت متوقع ہے ۔ اس موقع پر یہ فیصلہ بھی ہواکہ قافلے کا شندور پہنچنے تک مختلف مقامات کوراغ، مستوج اور لاسپور میں پرتپاک استقبال کیا جائے گا۔

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
دوسروں کے ساتھ اشتراک کریں
Qashqar Gemstone Testing Lab

یہ خبر بھی پڑھیں

دروش کو تحصیل کا درجہ دینے پر آل فلائنگ کوچ ڈرائیور ایسوسی ایشن چترال کا خیبر پختونخوا صوبائی حکومت اور وزیر اعلی پرویز خٹک کا شکریہ

چترال ( نمائندہ چترال ایکسپریس) آل فلائنگ کوچ ڈرائیور ایسوسی ایشن چترال خیبر پختونخوا نے ...

error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔