پندرہ سالہ امیر سہیل گردوں کی پیوندکاری کا منتظر،اپنی استطاعت کے مطابق مدد کیجئے تاکہ اس نوخیز پھول کو قبل از وقت مرجھانے سے بچایا جاسکے – Chitral Express

Premier Chitrali Woolen Products

پندرہ سالہ امیر سہیل گردوں کی پیوندکاری کا منتظر،اپنی استطاعت کے مطابق مدد کیجئے تاکہ اس نوخیز پھول کو قبل از وقت مرجھانے سے بچایا جاسکے

چترال ایکسپریس)بونی چترال سے تعلق والا امیر سہیل ابھی زندگی کی صرف پندرہ بہاریں دیکھ سکا ہے۔ تین سال پہلے جب وہ ساتویں جماعت میں پڑھتا تھا۔ انہیں گردوں میں تکلیف ہوئی۔ ٹیسٹ کروایا گیا تو پتہ چلا کہ دونوں گردے کام نہیں کر رہے۔ امیر سہیل کے والد امیر وزیر نے لخت جگر کی زندگی بچانے کے لئے اپنا سب کچھ داو پر لگادیا۔ زمینیں اور گھر بھی بیچ ڈالا، ماں کو وراثت میں ملنے والی زمین بھی بیچ کر پشاور، اسلام آباد، لاہور اور کراچی کے اسپتالوں میں بیٹے کے علاج پر لگادیا۔ڈاکٹروں کی رائے ہے کہ گردوں کی پیوندکاری سے ہی سہیل کی جان بچائی جاسکتی ہے۔جس کے لئے پچیس لاکھ روپے درکار ہیں۔ غریب والدین گھر بار اور زندگی بھر کی پونجی بیٹے پر لٹاچکے ہیں۔ اب مخیرخواتین و حضرات پر ہی نظر ہے۔ اپنی استطاعت کے مطابق مدد کیجئے تاکہ اس نوخیز پھول کو قبل از وقت مرجھانے سے بچایا جاسکے۔ سہیل کی زندگی اب اللہ کے آسرے اور آپ کی مدد اور تعاون پر منحصر ہے۔ اللہ تعالیٰ آپ کے رزق میں برکت ڈالے اور آپ کی اولاد کو ایسے امتحان سے محفوظ رکھے۔ آپ ان نمبروں پر رابطہ کرسکتے ہیں۔
میر گلاب شاہ 03469044031 ایم ایس شکیب03335057998

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
دوسروں کے ساتھ اشتراک کریں

یہ خبر بھی پڑھیں

پرویز مشرف الیکشن 2018میں چترال سے قومی اسمبل کی نشست کے امیدوار ہونگے کاغذات نامزدگی مکمل، بیان حلفی کا انتظار

چترال ( محکم الدین ) سپریم کورٹ آف پاکستان کی طرف سے سابق صدر پاکستان ...


دنیا بھر سے