تازہ ترین

مولانا عبد الاکبر چترالی اور جے یو آئی ضلع چترال کے امیر مولانا قاری عبد الرحمن قریشی کاضلع چترال کو دو اضلاع میں تقسیم کرنے کے عمل پر عدم اطمینان کا اظہار

پشاور ( چترال ایکسپریس )جماعت اسلامی کے رہنما سابق ممبر قومی اسمبلی مولانا عبد الاکبر چترالی اور جمعیت علما ء اسلام (ف) ضلع چترال کے امیر مولانا قاری عبد الرحمن قریشی کے درمیان المرکز الاسلامی پشاور میں ملاقات ہو ئی اس موقع پر معاون اطلاعات اخو ند زادہ جمیل ، مولانا جاوید حسین ممبر ڈسٹرکٹ کونسل چترال اور عبد الحق بھی موجود تھے دونوں رہنماؤں نے چترال کے اہم مسائل پر گفتگو کی اور متحدہ مجلس عمل کو ضلع چترال میں فعال بنانے کیلئے حکمت عملی پر بھی بات ہو ئی دونوں رہنماؤں نے صوبائی حکومت کی طرف سے ضلع چترال کو دو اضلاع میں تقسیم کرنے کے عمل پر عدم اطمینان کا اظہار کیا انہوں نے کہا کہ ضلع کو دو حصوں میں تقسیم کرنے کے اعلان کے فوری بعد کابینہ کا اجلاس بلا کر منظوری لینا چاہئے تھی 22 دسمبر 2017 ؁ء کو الیکشن کمیشن کی طرف سے نئے ضلعوں پر پابندی کے اعلان کے بعد صوبائی حکومت کی طرف سے کابینہ سے منظوری کے بعد سیا سی نمبر اسکورنگ کے مترادف ہے نئے ضلع کیلئے ابھی تک کوئی ہوم ورک نہیں کیا گیا اور نہ آئندہ عام انتخابات ہو نے تک کوئی امکان ہے اور نہ ہی نئے ضلع کیلئے کو ئی فنڈز مختص کئے گئے ہیں اس طرح پی ٹی آئی کی صوبائی حکومت نے چترالی عوام کو بیوقوف بنانے کی ناکام کوشش کی ہے حالانکہ چترال کو دو حصوں میں تقسیم کرنے کا مطا لبہ چترالی عوام کا دیرینہ مطالبہ تھا ۔

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
دوسروں کے ساتھ اشتراک کریں

متعلقہ خبریں/ مضامین

error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔
إغلاق