ایم پی اے اپر چترال سید سردار حسین کے فنڈ سے تعمیر شدہ سہت کے رابطہ سڑک کاافتتاح گذشتہ روز کردیا گیا – Chitral Express

صفحہ اول | تازہ ترین | ایم پی اے اپر چترال سید سردار حسین کے فنڈ سے تعمیر شدہ سہت کے رابطہ سڑک کاافتتاح گذشتہ روز کردیا گیا
Premier Chitrali Woolen Products

ایم پی اے اپر چترال سید سردار حسین کے فنڈ سے تعمیر شدہ سہت کے رابطہ سڑک کاافتتاح گذشتہ روز کردیا گیا

چترال( محکم الدین ) قیام پاکستان کے 70سال بعد تحصیل مستوج کے علاقہ موڑکہو کے قصبہ سہت کے رابطہ سڑک کا مسئلہ بالاخر شرمندہ تعبیر ہوا ۔ ایم پی اے اپر چترال سید سردار حسین کے فنڈ سے تعمیر شدہ اس روڈ کا افتتاح گذشتہ روز کردیا گیا ۔ اس موقع پر ایم پی اے سید سردار حسین ، تحصیل ناظم مستوج مولانا محمد یوسف ،اسسٹنٹ کمشنر مستوج کیپٹن ( ریٹائرڈ ) اُون حیدر گُندل، ایس ڈی پی او محمد زمان ، پاکستان پیپلز پارٹی اپر چترال کے صدر امیر اللہ ، ناظمین کونسلر ز اور مقامی لوگوں کی بہت بڑی تعداد موجود تھی ۔ ایم پی اے نے فیتہ کاٹ کر نئے سڑک کا افتتاح کیا ۔ جس کے بعد نو تعمیر شدہ روڈ سے ہوتا ہوا گاڑیوں اور لوگوں کا جلوس قصبہ سہت پہنچا ۔ نئے روڈ کی تعمیر سے سہت قصبے کے چالیس دیہات میں روڈ سے منسلک ہو گئے ہیں ۔ اور ایک ہزار گھرانوں پر مشتمل سات ہزار کی آبادی نئے روڈ سے مستفید ہو گی ۔ روڈ کے افتتاح کے موقع پر ایک جشن کا سماں تھا ۔ اور مستفید افراد خوشی سے کھل رہے تھے ۔ گاؤں میں افتتاح کی خوشی میں ایک پُر وقار تقریب منعقد ہوئی ۔ جس سے خطاب کرتے ہوئے علاقے کے معززین نے کہا ۔ کہ قیام پاکستان سے اب تک بہت سے ایم این ایز ، ایم پی ایز الیکشن میں کامیاب ہوئے ۔ لیکن انہوں نے سہت قصبے کے اس گھمبیر مسئلے کی طرف بالکل توجہ نہیں دی ۔ جبکہ اس علاقے کے بچے بچیوں کو سکولوں تک پہنچنے ، مریضوں کی ہسپتالوں تک پہنچانے اور مقامی لوگوں کو آمدورفت میں شدید مشکلات درپیش تھیں ۔ انہوں نے کہا ۔ کہ یہ ایم پی اے سید سردار حسین کا ہی سہرا ہے ۔ کہ انہوں نے یہ روڈ تعمیر کرکے ہماری مشکل آسان کردی ۔ ایم پی اے سید سردار حسین نے اپنے خطاب میں کہا ۔ کہ سڑک کی تعمیر سہت قصبے کے لوگوں پر احسان نہیں ، بلکہ یہ آپ کا حق ہے ۔ اس روڈ کا پہلا فیز مکمل ہو چکا ہے ۔ جبکہ دوسرے فیز پر مزید بالائی دیہات کو اس روڈ کے ساتھ لنک کیا جائے گا ۔ روڈ کی مزید تعمیر کیلئے فنڈ ریلیز ہو چکے ہیں ۔ تعمیر کا کوئی مسئلہ نہیں ہے ۔ ایم پی اے نے وزیر اعلی خیبر پختونخوا پرویز خٹک کا شکریہ اکر ادا کیا ۔ کہ انہوں نے نہ صرف اس منصوبے کیلئے بلکہ دیگر منصوبوں کیلئے فنڈ کی فراہمی میں بھر پور تعاون کیا ۔ انہوں نے اس موقع پر گہت گاؤں کیلئے سڑک کی تعمیر کی یقین دھانی کی ۔ اور کہا ۔ کہ فنڈ کی کمی نہیں ہے ۔ اور انشا اللہ گہت کیلئے بھی سڑک تعمیر کرکے اُن کی مشکلات دور کریں گے ۔ ایم پی اے نے تحصیل مستوج میں اپنے دورانیے میں تعمیر شدہ ترقیاتی منصوبوں کا ذ کر کیا ۔ جس میں روڈز ، سکول ، گرین گودام ، واٹر سپلائی سکیموں کی بڑی تعداد شامل ہیں ۔ انہوں نے سڑکوں کی تعمیر میں بھر پور تعاون کرنے پر ایکسین سی اینڈ ڈبلیو مقبول اعظم اور کنٹریکٹر آسمار خان کے کام کی تعریف کی ۔ جبکہ موقع پر موجود انتظامی آفیسران کی عوامی کاموں کے حل میں دلچسپی کو سراہا ۔ ایم پی اے نے کہا ۔ کہ بونی ، شاگرام ، وریجون کمرشل ایریاز ہیں ۔ اس لئے ان علاقوں کے زمینات کا معاوضہ کمرشل ریٹ پر دیے جائیں گے ۔ سردار حسین نے کہا ۔ کہ تحصیل مستوج کے انتہائی پسماندہ اور مشکلات سے دوچار لوگوں کے مسائل حل کرنا اُن کی اولین ترجیح ہے ۔ اوروہ پارٹی وابستگی سے بالاتر ہوکر کام کرنے پر یقین رکھتے ہیں ۔ تحصیل ناظم مستوج مولانا محمد یوسف نے اس موقع پر خطاب میں ایم پی اے سید سردار حسین کے خدمات کی تعریف کی ، اور کہا ، کہ انہوں نے اپنی پوری توجہ موڑکوہ کے علاقے پر مرکوز کی ہے ۔ سہت روڈ ، کوشٹ روڈ جنہیں ناممکن قرار دیا جارہاتھا ۔ ممکن کر دیکھایا ۔ اور انشاللہ گہت روڈ کی بھی تعمیر کرکے رہیں گے ۔ انہوں نے کہا ۔ کہ ایم پی اے نے تمام بڑے کام کئے ۔جو نظر آنے والے اور عوام کی ضرورت کے منصوبے ہیں ۔ اور انہوں نے ووٹ بینک کی پرواہ کئے بغیر لوگوں کی مشکلات کو پیش نظر رکھ ترقیاتی منصوبے کئے ۔ جس کی وجہ سے پورے علاقے کے لوگوں کے دلوں میں گھر کر لیا ہے ۔ اسسٹنٹ کمشنر مستوج اون حیدر گندل نے کہا ۔ کہ چترال کے لوگ سہولیات سے محرومی کے باوجود ،باہمی اخوت ، بھائی چارہ اور امن کے ماحول میں زندگی گزار رہے ہیں اور پاکستان کے ساتھ محبت کرتے ہیں ،جو کہ قابل تعریف ہے ۔ جبکہ ایس ڈی پی او محمد زمان نے نوجوانوں سے منشیات سے دور رہنے اور محنت پر توجہ دینے اور پولیس کے ساتھ تعاون کی اپیل کی ۔ تقریب سے مبارک حسین شاہ لال ، کریم ، احسان الحق وغیرہ نے بھی خطاب کیا ۔ ایم پی اے سے بعد آزان سہت کے خواتین کے وفد نے ملاقات کی اور اپنے مسائل سے آگاہ کیا ۔ ایم پی اے نے یقین دلایا۔ کہ بینظیر انکم سپورٹ پروگرام میں اُن مستحق خواتین کو شامل کیا جائے گا ۔ جو کسی وجہ سے اب تک رہ گئے ہیں ۔ انہوں نے کہا ۔ کہ خواتین کیلئے دستکاری سنٹر قائم کاری سنٹر قائم کیا جائے گا ۔ اور اُن کے مسائل ترجیحی بنیادوں پر حل کریں گے ۔

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
دوسروں کے ساتھ اشتراک کریں
Qashqar Gemstone Testing Lab

یہ خبر بھی پڑھیں

قومی بقاء و سلامتی اور ترقی و خوشحالی کیلئے بد عنوان اشرافیہ کے خلاف ایماندار اور مخلص قیادت کا انتخاب آشد ضروری ہے۔وزیر اعلیٰ پرویز خٹک

رسالپور(چترال ایکسپریس)وزیراعلیٰ خیبرپختونخوا پرویز خٹک نے کہا ہے کہ قومی بقاء و سلامتی اور ترقی ...