وادی کلاش رمبور میں پاکستان تحریک انصاف کے کارکنان کی تنظیم سازی کے سلسلے میں اہم اجلاس کا انعقاد – Chitral Express

Premier Chitrali Woolen Products

وادی کلاش رمبور میں پاکستان تحریک انصاف کے کارکنان کی تنظیم سازی کے سلسلے میں اہم اجلاس کا انعقاد

چترال(نمائندہ چترال ایکسپریس)وادی کلاش رمبور میں پاکستان تحریک انصاف کے کارکنان کی تنظیم سازی کے سلسلے میں ایک اہم اجلاس منعقد ہوا۔اجلاس کی صدارت پی ٹی آئی رہنما وزیر زادہ کررہے تھے۔اجلاس سے خطاب کرتے ہوئے وزیر زادہ نے کہا کہ وادی کلاش میں جاری ترقیاتی منصوبوں میں کلاش کمیونٹی کے لئے قبرستان ،مختلف فیسٹول کے لیے زمین ،قدرتی آفات کے بعد ایمرجنسی روڈ اور ہائی سکول کا قیام پی ٹی آئی حکومت کی اہم مثالی کارکردگی ہیں۔اُنہوں نے کہا کہ پاکستان تحریک انصاف واحد جماعت ہے جو اقلیتوں کے حقوق کے لیے ٹھوس اقدامات اُٹھارہی ہیں۔اُنہوں نے مزید کہا کہ وزیراعلیٰ نے علاقے کی ترقی کے لئے 2کروڑ روپے کا فنڈز دئے ہیں جو ٹینڈر ہوچکے ہیں،جسے ایون سے شیخاندہ تک مختلف منصوبوں پر لگائے جائینگے۔جن میں حفاظتی بند،پیدل راستے وغیرہ شامل ہیں۔اجلاس سے شیخ عنایت اور برزنگی خان نے بھی خطاب کیا۔اجلاس کے اخر میں وی سی رمبور میں پی ٹی آئی کیبنٹ کے لیے عہدایدروں کا انتخاب کیا گیا۔

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
دوسروں کے ساتھ اشتراک کریں

یہ خبر بھی پڑھیں

پرویز مشرف الیکشن 2018میں چترال سے قومی اسمبل کی نشست کے امیدوار ہونگے کاغذات نامزدگی مکمل، بیان حلفی کا انتظار

چترال ( محکم الدین ) سپریم کورٹ آف پاکستان کی طرف سے سابق صدر پاکستان ...


دنیا بھر سے