اپر چترال میں بجلی آنے کے بعد مختلف سیاسی جماعتوں کے لیڈروں اور منتخب نمائندوں کا کریڈٹ لینے کی کوشش کرنا قابل افسوس بات ہے۔حمید جلال – Chitral Express

Premier Chitrali Woolen Products

اپر چترال میں بجلی آنے کے بعد مختلف سیاسی جماعتوں کے لیڈروں اور منتخب نمائندوں کا کریڈٹ لینے کی کوشش کرنا قابل افسوس بات ہے۔حمید جلال

چترال (نمائندہ چترال ایکسپریس) پی پی پی اپر چترال کے جنرل سیکرٹری حمید جلال نے اپر چترال کو گولین گول ہائیڈروپاؤر پراجیکٹ سے بجلی کی فراہمی کو ڈی۔ سی ، ڈی پی او چترال اور کمانڈنٹ چترال سکاوٹس کی خصوصی کاوشوں اور سب ڈویژن مستوج کے عوام اور تحریک تحفظ حقوق مستوج کے سرپرست اعلیٰ اور صدر کی مخلصانہ کوششوں کا نتیجہ قرار دیتے ہوئے کہا ہے کہ جب بھی اپر چترال کے عوام نے اپنے حقوق کے لئے یک جا اور متحد ہوکر آواز بلند کی ، کامیاب رہے اور بجلی کاحصول بھی ایسی کوشش کے نتیجے میں ممکن ہوئی۔ ایک اخباری بیان میں انہوں نے کہاہے کہ اپر چترال میں بجلی آنے کے بعد مختلف سیاسی جماعتوں کے لیڈروں اور منتخب نمائندوں کا کریڈٹ لینے کی کوشش کرنا اوراپنی لیڈری چمکانا قابل افسوس بات ہے جبکہ سب ڈویژن مستوج کے عوام سب کچھ بخوبی جانتے ہیں اور انہیں کوئی بھی اندھیر ے میں نہیں رکھ سکتا۔ انہوں نے کہاکہ اگر منتخب ارکان اسمبلی کا اپر چترال کی بجلی کے بارے میں کچھ غم ہوتا اور وہ اس مسئلے میں مخلص اور سنجیدہ ہوتے تو یہ مسئلہ وہ پانچ چھ ماہ پہلے متعلقہ اداروں کے ساتھ اُٹھاچکے ہوتے اور عین وقت میں اپر چترال کے عوام کو لانگ مارچ کی نوبت نہ آتی۔

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
دوسروں کے ساتھ اشتراک کریں

یہ خبر بھی پڑھیں

بونی رینج کے نگہبانوں کی تنخواہوں کو وعدے کے مطابق ریلیز کیے جائیے۔متاثرہ نگہبانوں کاچیف جسٹس سے نوٹس لینے کی اپیل

بونی(نمائندہ چترال ایکسپریس)محمدنبی خان ،نور عالم اور عطاء الہیٰ نے ایک اخباری میں کہا کہ ...


دنیا بھر سے

error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔