تازہ ترین

چترال کے تمام زمین مالکان اپنے زمینات کی پرچہ کھتونی کے حصول کیلئے فوری طور پر اپنے اپنے سرکل آفس سے رابطہ کریں۔ لینڈ سٹلمنٹ چترال 

چترال ( نمائندہ چترال ایکسپریس ) مہتمم لینڈ سٹلمنٹ کے دفتر سے جاری ایک اعلامیہ میں عوام الناس ، مالکان ، کاشتکاران ، مزارعان کواطلاع دی گئی ہے کہ چترال میں بندوبستی ریکارڈ تکمیل کے آخری مراحل میں ہیں ۔ اور مستقبل قریب میں ڈسٹرکٹ کلکٹر چترال کو حوالہ کئے جائینگے۔ اس سلسلے میں زمینداران میں پر چہ کھتونی / پر چہ زمینداران تقسیم کرنے کا عمل شروع ہوچکا ہے ۔ لہذا زمینات کی پر چہ کھتونی کے حصول کیلئے محکمہ ہذا کے دفاتر سرکل نمبر 1۔ دروش ، تحصیلدار آفس دروش، سرکل نمبر3۔تحصیلدار آفس چترال ، سرکل نمبر3۔ مستوج ، تحصیلدار آفس مستوج ایٹ بونی سے رابطہ کیا جاسکتا ہے۔ اور اندر معیاد بیس دن اپنے عذرات متعلقہ بندوبستی تحصیلدار کے دفتر میں جمع کرنے کی ہدایت کی گئی ہے۔ اعلامیہ میں مذید کہا گیا ہے کہ اشتہار ہذا کے مشتہر ہونے کے 20دن کے بعد کوئی شکایت /عذر قابل قبول نہیں کی جائیگی ۔یہ اطلاع تمام متعلقہ حکام ، اسسٹنٹ کمشنرز چترال اینڈ مستوج ، ایڈیشنل اسسٹنٹ کمشنرز ضلع چترال کے علاوہ تمام ویلج ناظمین کو بھی دی گئی ہے ۔

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
دوسروں کے ساتھ اشتراک کریں

متعلقہ خبریں/ مضامین

error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔
إغلاق