تجار یونین دروش کے صدر حاجی شاد محمد انتقال کر گئے؛ نماز جنازہ اور تدفین منگل کے روز دروش میں ہوگی – Chitral Express

Premier Chitrali Woolen Products

تجار یونین دروش کے صدر حاجی شاد محمد انتقال کر گئے؛ نماز جنازہ اور تدفین منگل کے روز دروش میں ہوگی

دروش(نمائندہ چترال ایکسپریس) دروش کے معروف کاروباری، سیاسی و سماجی شخصیت حاجی شادمحمد اسلام آباد کے ایک ہسپتال میں انتقال کر گئے۔ حاجی شاد محمد کی جسد خاکی دروش پہنچا کر(کل) 24اپریل بروز منگل کے روز دن 2بجے کی نماز جنازہ کرنل مراد اسٹیڈئم دروش میں اداکرنے کے بعد مقامی قبرستان میں سپردخاک کیا جائیگا۔ حاجی شاد محمد پر چند روز قبل فالج کا حملہ ہوا تھا جسکے بعد انہیں فوری طور پر پشاور اور بعدازاں اسلام آباد منتقل کردیا گیا تھا جہاں پر پیر کے روز اپنے خالق حقیقی سے جا ملے۔
حاجی شاد محمد تجار یونین دروش کے صدر تھے اور ساتھ ساتھ فعال سیاسی و سماجی کارکن تھے۔ مرحوم رفاح عامہ کے کاموں میں بڑھ چڑھ کر حصہ لیتے تھے ۔ حاجی شاد محمد مایہ ناز سپورٹس مین تھے اور ہاکی اور فٹ بال کے بہترین پلیئر تھے ۔ حاجی شاد محمد افغان ہاکی کلب کے علاوہ سپر ینگ سٹار سپورٹس کلب دروش کو فعال بنانے میں پیش پیش رہے جبکہ آئیڈیل کلب دروش کے بھی سرپرست تھے۔ حاجی شاد محمد ایک خوش مزاج، خوش گو اور ملنسار انسان تھے اور مختلف فورم پر عوامی نمائندگی کا حق ادا کرتے رہے۔ انکی وفات پر تجار یونین دروش نے ایک روزہ سوگ کا اعلان کیا ہے جس کے تحت منگل کے روز دروش بازار بند رہے گی۔

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
دوسروں کے ساتھ اشتراک کریں

یہ خبر بھی پڑھیں

تخت بھائی کے علاقے مدے بابا ہادی کلے میں ایک روز قبل لاپتہ ہونے والی چھ سالہ بچی کی نعش گھر کے قریب کھیتوں سے برآمد۔

مردان /تخت بھائی( چترال ایکسپریس) تحصیل تخت بھائی کے علاقے مدے بابا ہادی کلے میں ...


دنیا بھر سے

error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔