جماعت اہلسنت و الجماعت چترال کاالیکشن 2018 میں بھر پور حصہ لینے کے عزم کا اظہار – Chitral Express

Premier Chitrali Woolen Products

جماعت اہلسنت و الجماعت چترال کاالیکشن 2018 میں بھر پور حصہ لینے کے عزم کا اظہار

چترال ( محکم الدین ) جماعت اہلسنت و الجماعت چترال نے الیکشن 2018 میں بھر پور حصہ لینے کے عزم کا اظہار کیا ہے ۔ اس سلسلے میں نیشنل اسمبلی NA-1چترال کی سیٹ کیلئے منگل کے روز مولاناسیدالرحمن ساکن تورکہو حال دروش کی طرف سے کاغذات نامزدگی داخل کئے گئے ۔ جو کہ کسی بھی پارٹی کی طرف سے سب سے پہلے داخل ہونے والے کاغذات نامزدگی ہیں ۔ اس موقع پر اُن کے ہمراہ پارٹی کے دیگر رہنما ضلعی جنرل سیکرٹری مولانا جاوید الرحمن ، سرپرست مولانا سراج احمد ، امیر اہلسنت الجماعت دروش سفیراللہ و دیگر موجود تھے ۔ بعد آزان نامزد امید وار برائے قومی اسمبلی مولانا سعیدالرحمن نے میڈیا سے خطاب کرتے ہوئے کہا ۔ کہ چترال میں گذشتہ روز اُن کا جس والہانہ انداز میں استقبال کیا گیا ۔ اور دروش و اطراف کے علاقوں ،شیشی کوہ ، لاوی ، کیسو وغیرہ مقامات کے لوگوں نے جماعت اہلسنت و الجماعت کے ساتھ جس محبت کا اظہار کیا ہے ۔ اس سے اُن کے حوصلے بہت بلند ہوئے ہیں ۔ اور اُنہیں امید ہے ۔ کہ چترال کے دیگر علاقوں میں بھی اہلسنت کے کارکن اور چترال کے لوگ اُسے اسی طرح پذیرائی دیں گے ۔ اور اُن کی جماعت بھاری ووٹوں سے این اے ون کی سیٹ جیت جائے گی ۔ اور چترال کے لوگ اُنہیں خدمت کا موقع فراہم کریں گے ۔ انہوں نے کہا ۔کہ وہ منظم طریقے سے ضلعی امیر مولانا حافظ خوشولی خان کی ہدایت کے مطابق انتخابی مہم چلائیں گے ۔ اور انشاء اللہ کامیابی حاصل کریں گے ۔ اس موقع پر ضلعی جنرل سیکرٹری مولانا جاویدالرحمن نے کہا ۔ کہ صوبائی سیٹ کا باہمی مشاورت کے بعد اعلان کیا جائے گا ۔ جس کیلئے امیدواروں کی جانچ پڑتال جاری ہے ۔

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
دوسروں کے ساتھ اشتراک کریں

یہ خبر بھی پڑھیں

رُموز شادؔ ۔۔ شہزادے کی عید۔۔۔۔۔

حضرت سیدنا عمرؓ نے ایک مرتبہ عید کے دن اپنے شہزادے کو پُرانے قمیص پہنے ...


دنیا بھر سے