اپر چترال میں بلا جواز لوڈشیڈنگ کا سلسلہ ختم نہ کیا گیا تو اس کا بھیانک نتیجہ برآمد ہوگا/سابق ایم پی اے سیدسردارحسین شاہ – Chitral Express

Premier Chitrali Woolen Products

اپر چترال میں بلا جواز لوڈشیڈنگ کا سلسلہ ختم نہ کیا گیا تو اس کا بھیانک نتیجہ برآمد ہوگا/سابق ایم پی اے سیدسردارحسین شاہ

چترال ( نمائندہ چترال ایکسپریس) چترال سے صوبائی اسمبلی کے سابق رکن اور پی پی پی کے سینئر رہنما سید سردار حسین شاہ نے اپر چترال کے علاقوں میں پیڈو کی طرف سے بجلی کی لوڈ شیڈنگ کو بلا جواز اور ظالمانہ قرار دیتے ہوئے کہاکہ گولین گول بجلی گھر سے بجلی کی وافر مقدار کی دستیابی کے باوجود سب ڈویژن مستوج کے عوام کو بجلی سے محروم رکھنا ایک گھناؤنے سازش کا نتیجہ ہے جس کا مقصد علاقے میں امن وامان کی آئیڈئیل صورت کو خراب کرنے کے علاوہ کچھ نہیں۔ اتوار کے روز جاری کردہ ایک پریس ریلیز میں انہوں نے کہاکہ گزشتہ دو دنوں سے بجلی کی مسلسل بندش سے اپر چترال میں کاروبار زندگی متاثر ہوکر رہ گئی ہے کیونکہ صارفین نے سولر سسٹم ا ور جنریٹر کا نظام گولین گول بجلی گھر سے بجلی کی ترسیل کے ساتھ ختم کردیا تھا۔ انہوں نے کہاکہ موسم گرما کی وجہ سے مستوج سب ڈویژن کے طول وعرض میں واقع ہزاروں دکانوں میں کولڈ ڈرنک ، آئس کریم اور دوسرے مصنوعات خراب ہوگئے جس سے مجموعی طور پر کروڑوں روپے کی نقصان غریب دکانداروں کو لاحق ہوگئی جوکہ تین سال پہلے سیلاب اور زلزلے سے معاشی بدحالی کا شکار ہوئے تھے۔ انہوں نے خبر دار کرتے ہوئے کہاکہ اگربلا جواز لوڈشیڈنگ کا سلسلہ ختم نہ کیا گیا تو اس کا بھیانک نتیجہ برامد ہوگا کیونکہ عوام سڑکوں پر نکل آنے پر مجبور ہوں گے۔ سابق ایم پی اے نے وزیر اعلیٰ سے مطالبہ کیاکہ دکانداروں کی نقصان کی تلافی بھی کی جائے۔

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
دوسروں کے ساتھ اشتراک کریں

یہ خبر بھی پڑھیں

تخت بھائی کے علاقے مدے بابا ہادی کلے میں ایک روز قبل لاپتہ ہونے والی چھ سالہ بچی کی نعش گھر کے قریب کھیتوں سے برآمد۔

مردان /تخت بھائی( چترال ایکسپریس) تحصیل تخت بھائی کے علاقے مدے بابا ہادی کلے میں ...


دنیا بھر سے

error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔