ایم این اے منتخب ہونے کے بعد چترال سے احساس محرومی، بے روزگاری اور غربت کا خاتمہ کیا جائے گا۔ ڈاکٹر محمد چودھری – Chitral Express

Premier Chitrali Woolen Products

ایم این اے منتخب ہونے کے بعد چترال سے احساس محرومی، بے روزگاری اور غربت کا خاتمہ کیا جائے گا۔ ڈاکٹر محمد چودھری

چترال (نمائندہ چترال ایکسپریس) آل پاکستان مسلم لیگ کے مرکزی صدر ڈاکٹر محمد چودھری نے کہا ہے کہ ایم این اے منتخب ہونے کے بعد وہ ترقیاتی کاموں کے ذریعے چترال کا نقشہ ہی تبدیل کردیں گے اور یہاں سے احساس محرومی، بے روزگاری اور غربت کا خاتمہ کیا جائے گا اورچترال میں پہلی بار صنعتیں قائم کرنے کے لئے انڈسٹریل اسٹیٹ قائم کیا جائے گا اور حکومت کی طرف دیکھنے کی بجائے وہ اپنے وسائل پر بھی انحصارکرے گا۔ پولو گراونڈ چترال میں پارٹی کی آخری انتخابی جلسہ عام سے خطاب کرتے ہوئے انہوں نے کہاکہ میں اپنے چترال بھائیوں کے ساتھ اپنا رابطہ قائم رکھوں گا اور چترال میں مشرف ہاؤس کی تعمیر اور اسلام آباد میں چترال ہاؤس کی تعمیر ہمارے درمیاں روابط کو دائمی بنادیں گے اور یہ ہمارے درمیان رابطے کے مراکز ہوں گے۔ انہوں نے کہاکہ انہوں نے جس طرح وفاقی دارالحکومت اسلام آباد میں انہوں نے ریکارڈ ترقیاتی کام کئے اسی طرح چترال کو ایک مثالی ضلع بنادیا جائے گا۔ انہوں نے پی ٹی آئی کی ضلعی قیادت کو شدید تنقید کا نشانہ بناتے ہوئے کہاکہ ڈاکٹر امجد کو سیاسی خانہ بدوش کہنے والے کھلے پولوگراونڈ میں جلسہ نہ کرسکے بلکہ اپنی کم عددی قوت کو چھپانے کے لئے دیوار وں کا سہارا لے لیا جبکہ اے پی ایم ایل نے پولوگراونڈ کے بیچوں بیچ کامیاب تریں جلسہ منعقد کیا۔ اس سے قبل صوبائی اسمبلی کے امیدوار سہراب خان نے چترال کے لئے جنرل پرویزمشرف کی خدمات کا تفصیل سے ذکر کیا اور کہا کہ اہالیان چترال اپنے محسن کو کبھی فراموش نہیں کریں گے اور 25جولائی کو عقاب کے نشان پر مہر لگاکر اس رشتے کو اور بھی مضبوط کریں گے۔ پارٹی کی مرکزی رہنما تقدیرہ اجمل اور مقامی رہنما جی کے سریر ، وقاص احمد ایڈوکیٹ اور دوسروں نے بھی خطاب کیا۔ جلسے کے شرکاء موٹر گاڑیوں کی طویل قافلے کی شکل میں جلسہ گاہ پہنچے اور قافلے کی طوالت سے لوگوں کو متاثر کیا۔

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
دوسروں کے ساتھ اشتراک کریں

یہ خبر بھی پڑھیں

’’پرتشدد انتہا پسندی کی روک تھام‘‘کے موضوع کے حوالے سے یونیورسٹی آف چترال میں ورکشاپ کا انعقاد

چترال (نمائندہ چترال ایکسپریس) یونیورسٹی آف چترال میں سنٹر فار ریسرچ اینڈ سیکورٹی اسٹڈیز کے ...


دنیا بھر سے

error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔