شعروشاعری

مرثیہ کلام

فدا محمد فداؔ

مہ شیرین تت دی بغائی دُنیاری رخصت بیتی نون
گلہ دوستانان تین کوم اوا ہردی پھت بیتی نون
گیتی وخت وختہ اوا تہ موختو لو ڑاو او شو تام
غیچھار پھچھانی بغائی تہ شیلی صورت بیتی نون
بے خبریہ گیتی کیچہ تہ ٹھورے نیشیتائی
امانت ایہہ نیستائی کپال تہ نس پھت بیتی نون
شیرین ژان نیسیکو سوم دُو رو تے ویشیکو تیار
ایمبولینسو مشکیتائی ڈاکٹر اجازت دیتی نون
اللہے ھیہ غمو کیچہ کوری برداشت کوروم
روخثاوے مہ ساری تو متے دی ہمت دیتی نون
پنجرش موختو لوڑی اوا دی خوشان اوشوتام
ہالیے استائی دنیا ی تات شان شوکت دیتی نون
صبر جمیل اسپہ تے خالق عنایت کورے کی
انگے مہ غیچھی تو غو شیلی جنت دیتی نون
پھیٹی پھیٹی سے چھو ناؤ بازار سائلو کوراوور
فانی اریر جہانار کمبخت دی توغو دیتی نون
شہیدیو مہ خالق توغو تے نصیب کوری تائی
پیثی بغائے دی اسپہ نصیب شہادت بیتی نون
فدائے تو کیچہ ہو اخری دیدار و کوری
انصافو چرچا دی بوئی صحیح عدالت بیتی نون

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
دوسروں کے ساتھ اشتراک کریں

متعلقہ خبریں/ مضامین

اترك تعليقاً

یہ بھی دیکھیں

إغلاق
error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔
إغلاق