شعروشاعری

ناصر علی تاثیر

لو دیت لا کوسوم محبت کوروسان
تو دی نا ھردیو برق پھت کوروسان

تاتے مہ خوش رے تان عالمار احتی
ای پھوپھوک لوو قیامت کوروسان

لرزا براندام کونیان شوخ تہ ادا
ای ھزار رنگا شرارت کوروسان

گیکو دوواختا فقیر بریکو بیتی
روپھونار اچی مہ رخست کوروسان

وا تان حوالوت لوڑی کورے ارزو
تقدیرو سوم کو بغاوت کوروسان

ھانی سدا نو اوشوپیم کوس لو وا
وا ماسوم کیاغ رے سیاست کوروسان

اوا کہ کروچ رقیبے خوشو کوری
تو ماتین ھیت رے کیہ غیرت کوروسان
۔
۔
تاثیر دی تا ھاتے خالقو تخلیق
ھارونی کو ماسار نفرت کوروسان

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
دوسروں کے ساتھ اشتراک کریں

متعلقہ خبریں/ مضامین

اترك تعليقاً

error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔
إغلاق