#چترال_سےباہربچیوں_کی_شادی کےحوالےسےاب_تک_کی #سب_سے_اہم_تحریر___*مولانامحمودالحسن_کھٹانہ*۔

#چترال_سےباہربچیوں_کی_شادیکےحوالےسےاب_تک_کی #سب_سے_اہم_تحریر_____

چھتراری برارگینیان ای تلخ حقیقت ہیہ کی اسپہ چھترارا کی

کورا چھتراری برار، چھتراری برارو ژورو ماشکی رشتہ کی ویشےتائ تھے ژورو نان تات /رشتہ داران ہیہ قسما سوال کونی: 1.ڈقو روزگار کیاشیر؟

 2 ڈاقو شکل و صورت کیچا؟

3.ڈق و حسب و نسب وا قوم کیا؟

کیا وخت ہیا لو پتا بویان کی ڈق چھترارو لیکن

 تعلق اڑغانی قومو یا گجر قومو سوم شیر۔۔۔۔

یا

 ڈق قبولِ صورت کی نو ہوئی یا چھترارا پھوک پسماندہ ژاغو سوم کی ہوئی تھے رشتہ دکار ژوت انکھار کونی، وا رینی کی

 اوا تان لغل ژور فلان قوم، بےروزگار، وا آتے پہانا کو دومان۔۔۔ مہ ژورو رشتان کیا کمی؟

 تھے خبار بکو پنجابار کورا شہ پنجابی یا پشاور و پشتون رشتہ مشکی کی ہانی، تھے جو کا قوم و لو پوشٹا انگوئی، نہ نوکری و کا بشار کونی

وا نا ہے تحقیق و کونی کی ہے موش دور دی شیرا نو۔۔۔ بس ہے منظر و سف پاشینی کہ

 اتغو کاٹین زپان کرایو کوروئ کاڑیو پوشی

 تھے اتے لغل ژورو اتغو تین بیزمکو بچین ایوالی ایوالیو سورین نسی کوتے چق بونی۔

چھترار ہال بک سف قوم ایوالی ایوالیو برارگینی مگر اسپہ اتےتان نا قدری کوریکو وجہیں ہنون پورا ملکہ اسپہ ژور بزیمکا مشہور۔

سوشل میڈیو حالات سفان پرشٹہ شیر۔ ہنیسین خو پاکستانو لوٹ لوٹ صحافی دی ہے ایشوو ڈسکس کونیان۔

وا مزید

 ہے لو پوشٹی بی چھتراری ژورگینیان مسئلہ نشنل اسمبلیو فلورا دی بحث مباحثہ شروع بتی شیر۔

سف چھتراری شرمندہ بتی اسوسی۔

خدارا ہے مسئلو سنجیدگیو سورا گنور ہمی۔ ژور بزیمک دلالان پرشٹہ آنگیےلیک بوئی۔

ای پھتی جام مہذب روئ دی ہیرا ملوث اسک برانی.

بہر حال ہے مسئلو حل کوریک آسان دی/مشکل دی

آسان۔۔۔کیا کی مہ ناقص ذہنہ گتی شیر کی

ڈسٹرکٹ سطحہ مختلف محکمو و چہ عوامی نمائدگانان

 1۔مثلاٙٙ

چترال سکاوٹسو عہدہ داران کرنل صاحب وغیرہ

2==پولیس افیسر DPOصاحبار گنی ایس ایچ اویز پت۔

3۔=M.N.A آر گانی کونسلرا پت عوامی منتخب نمائندگان

4==.تجار نمائدگان.

5==۔سوشل ایکٹوسٹ

6==.حقوق انسانیو مختلف تنظیماتو عہد داران۔

7==۔مشہور سنی وا اسماعیلی مذہبی سکالرز۔

8==۔چھترارا ہالبک مختلف قومو لیڈران۔

9==۔ڈرائیورز یونین۔

10==۔وکلاء

11==۔انٹیلیجنس اہلکار۔

12==۔خواتین ونگ عہد داران۔

13==۔تمام سیاسی و مذہبی جماعتان لوٹھوران۔۔

مذکوہ بالا ہمی سف روئ ای ژغہ جمع بتی۔

ژورگینیان تمام تر مفادو چہ مسائلان پروشٹہ لاکھی۔

ہے معاملو سورا بحث کورانی۔ چھترارا ژورگینیان تحفظ باچین ای قراداد۔

یا ای دستور ساوزیانی۔

اتغو مختلف شق بانی مثلاٙٙ۔

نمبر1.

حق مہرو ای مقدار لاکھی

 کی

 اتیرا غریب خانہ دانو چہ امیرو موژی آسانیو سورا طے بائ

 وا ہے

طے بیرو حق مہر ہر صورتا ژورگینیان تے ملاو بائ۔

کیا دی صورتا معافی نو بائے۔

نمبر2.

چھترارا ہالبک ہر موشو تین ایغار زیات شادیو اجازت بائے

نمبر3۔

چھترارا بلا تعصب بلا امتیاز رنگ و نسل و قوم رشتہ کورونو بائ

4مسجدان خطباء کرامو وچہ

جماعت خانآن موکھیان

 ہر ماسہ ای جمعہ کم ازکم دس منٹ ژورگینیان حقوقو بارا بیان کورانی۔

5چھترارا پولیسو سرپرستی ای رشتہ سنٹر کھولاو کورونو بائ۔

تاکہ کیا ژورگینیان کی چھترارا رشتہ ملاو نو بویان

اتے تان باچین آؤٹ آف ڈسٹرکٹ کورا جام رشتہ کی ہائ دی۔پولیس بہرپور تحقیقار اچی اتیرا رشتو اجازات دیار۔

 6۔ تمام تعلیمی ادارین مثلاٙٙ گرلز سکول۔گرلز کالج۔یونیورسٹی للبناتو مدرسان باچین ای ٹیم تشکیل کورونو بائ

اتے ٹیم ماہوار ای ای ادارہ بی ژورگینیان ذہن سازیو کورانی کی بغیر تحقیقار۔وا چھترار پولیسو اجازتار

بغیر صرف پیسو لالچہ پیسہ رشتو کیا وخت دی قبول مو کورور۔

وا مذکورہ بالا کوائفہ بغیر کیا دلال

کی رشتہ کوریکو کوشیشو اریر اتغو فورن انتظامیو تین حوالہ کورونو بائے۔

ہیہ ذہن سازی کی چھتراری قومو ہوئ

ہیرا ژورگینیان دی وا چھتراری قومو دی عزت بچ بوئ۔

ہے اشںاریو روک تھام مشکل ہے وجہیں کہ اسپہ ہاش اتفاق کوریکو وا ای ہواز و سورا یکجا نو بوسی۔

اسپہ چھتراری پیئسو بو قلم دار۔۔۔۔

اسپا ہش نمائندہ دی غیچی نو گویاں کہ اسے پوشٹا گیتی نمائندگی کوئی،

 مہم چلیر وا رویاں مژا شعور پیدا کوئی۔

ہے وجھین گھٹیا یار گھٹیا انسان دی اسپہ سوم کی ملاو بتی کی اتغو تین پتہ کی بویان ہمو تعلق چھترارو سوم شیر۔

ژوت ہوسی رشتو مطالبو کوروئ۔

ہیغار لوٹ شرم وا کیا بوئ۔

برارگینیان ہیہ انتہائ سنجیدہ مسئلہ

چھترارو مقتدر طبقہ ہے سورا شوار شاو اجلاس کوری۔

ژورگینیان وچہ چھتراری قومو عزتو

حفاظت کورونو بائ۔

اس سے پہلے کہ ہمی دالالان چھترار تان جسم فروشیو اڈا کھولاو کورونی۔

کچہ کہ ہانیسن ژورگینیان سمگلنگ کونیان۔۔

#تحریرو_رےکاراچہ_کمنٹہ_تان_رائیواظہاروضرور_کورور

 بو شکریہ

اللہ ایپسہ سفان حامی و ناصر بائے۔۔۔

والسلام

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
زر الذهاب إلى الأعلى
error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔