مسلم لیگ (ن) چترال کی طرف سے وزیراعظم کو چترال میں وزیراعظم صحت انشورنس اسکیم شروع کرنے پرخراج تحسین

چترال(نمائندہ چترال ایکسپریس)ضلع چترال کو وزیراعظم صحت اسکیم میں شامل کرکے وزیر اعطم میاں محمد نواز شریف نے ایک بار پھر چترال دوستی کاثبوت دیا۔پارٹی صدر سابق ایم پی اے اور ضلعی صدر سید احمد خان کے زیر صدارت ضلعی کابینہ کی میٹنگ پارٹی دفتر میں منعقد ہوا۔جسمیں جنرل سیکرٹری صفت زرین ،محمد وزیر خان،محمد کوثر ایڈوکیٹ وغیرہ نے شرکت کی۔اجلاس میں وزیراعظم میاں محمد نواز شریف کو چترال میں وزیراعظم صحت انشورنس سکیم شروع کرنے پر زبردست خراج تحسین پیش کیا گیا۔ضلعی صدر سید احمد خان نے کہا کہ اس اسکیم کے تحت مستحقین کو شامل کیا گیا ہے۔مقامی میڈیا سے بات چیت کرتے ہوئے پارٹی ترجمان نے کہا کہ صحت اسکیم کے تحت سات مہلک بیماریوں ،دل ،کنسیر،گردے،جگر ،ذیباطس اور عام بیماریوں کا علاج حکومت مفت کریگی۔کوئی بھی شخص اپنے مرضی کے سرکاری اور پرائیوٹ ہسپتال میں تین لاکھ روپے تک کا علاج مفت کراسکے گا۔تین لاکھ خرچہ کے بعد بھی بیماری ٹھیک نہیں ہوئی حکومت مزید تین لاکھ روپے دے گی۔پارٹی ترجمان نیاز اے نیازی کے مطابق اس کے علاوہ مزید 50ہزار روپے تک عام بیماریوں کا علاج بھی حکومت مستحق افراد کیلئے کرے گی۔صحت اسکیم کا اجراء چترال میں ہوچکا ہے۔اُنہوں نے کہا۔وزیراعظم صحت اسکیم میں صوبہ خیبر پختونخواہ کے چار اضلاع کو شامل کیا گیا ہے۔جسمیں مردان ،چترال،کوہاٹ اور ملاکنڈ شامل ہے۔پارٹی ترجمان نے کہا کہ مسلم لیگ(ن) کی حکومت چترال کی تعمیر وترقی کے ساتھ ساتھ صحت کے شعبہ میں بھی چترال کے غریب عوام کے لئے ایک انقلابی پروگرام کا آغاز کرکے بہت بڑا نیک کام کا آغاز کیا ہے ۔انہوں نے کہا کہ جدید اور ترقی یافتہ چترال میاں محمد نواز شریف کا خواب ہے جوکہ بہت جلد شرمندہ تعبیر ہوگا۔

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں

اترك تعليقاً

زر الذهاب إلى الأعلى
error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔