Chitral Express

Chitral's #1 Online News Website in Urdu | Politics, Sports, Islam

مولانا عبدالاکبر چترالی اور مولانا جمشید احمد کاکوشٹ پل کے گرجانے کی سانحے کا جوڈیشل انکوائری کا مطالبہ

چترال (نمائندہ چترال ایکسپریس)چترال سے قومی اسمبلی کے سابق رکن مولانا عبدالاکبر چترالی اور جماعت اسلامی ضلع چترال کے امیر مولانا جمشید احمد نے کوشٹ پل کے گرجانے کی سانحے کا جوڈیشل انکوائری کا مطالبہ کرتے ہوئے کہا ہے کہ تعمیر کے بعد چھ ماہ کے عرصے میں پل کا دریا برد ہونا افسوسناک واقعہ ہے جس میں تین قیمتی انسانی جانیں ضائع ہوگئے۔ جماعت اسلامی کے دیگر رہنماؤں قاضی سلامت اللہ، معراج الدین، سراج احمد، زاہد نواز اور دوسروں کی معیت میں ایک مشترکہ پریس کانفرنس سے خطاب کرتے ہوئے انہوں نے کہا کہ پل گرنے کے سانحے میں جان بحق ہونے والوں کو شہداء پیکج دئیے جائیں جن کی جانیں حکومتی غفلت کی وجہ سے ضائع ہوگئے اور ان کے خاندانوں کی کفالت حکومت کی ذمہ داری بنتی ہے۔ انہوں نے مزیدمطالبہ کیاکہ پل کی مرمت سے متعلق ٹھیکہ داروں کے واجب الاد ا بلز فی الفور ادا کئے جائیں اور کوشٹ پل کی بحالی کاکام ہنگامی بنیادوں پر شروع کیا جائے۔ جماعت اسلامی کے رہنماؤں نے صوبائی حکومت پر الزام عائد کرتے ہوئے کہاکہ اس حکومت نے چترال ضلعے کوترقی کے میدان میں یکسر نظرانداز کردیا ہے جس سے عوام میں بددلی اور مایوسی پھیل رہی ہے جوکہ انارکی،لاء اینڈ آرڈر کی صورت حال پیدا ہونے اور حکومت کے خلاف شدید نفرت پیدا ہونے پر منتج ہوسکتی ہے۔ انہوں نے اس بات پر مایوسی کا اظہار کرتے ہوئے کہاکہ گزشتہ سال کے سیلا ب سے متاثر انفراسٹرکچرکی بحالی پر کوئی کام شروع نہیں کی گئی جس سے اہالیان چترال کی زندگی اجیرن بن کررہ گئی ہے ۔ انہوں نے کہا کہ چترال ٹاؤن کے لئے واحد واٹر سپلائی اسکیم کو دریا بردگی سے بچایا جائے جوکہ دریائے لوٹ کوہ کی زد میں ہے اور کسی بھی وقت دریا ان پائپوں کو بہا لے جاسکتا ہے۔

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں

اترك تعليقاً

Copyright © All rights reserved. | Newsphere by AF themes.
error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔