fbpx
تازہ ترین

صوبائی حکومت موجودہ ڈپٹی کمشنر کو مزید وقت دے تاکہ چترال کے مزید مسائل حل ہو سکے ۔ممبر تحصیل کونسل خوش محمد

چترال ( نمائندہ چترال ایکسپریس ) ممبر تحصیل کونسل گرم چشمہ خوش محمد نے ڈپٹی کمشنر چترال اُسامہ احمد وڑائچ کی خدمات پر اُسے خراج تحسین پیش کیا ہے ۔ اپنے ایک اخباری بیان میں انہوں نے کہا ۔ کہ موجودہ ڈپٹی کمشنر چترال نے انتہائی دلچسپی اور لگن سے چترال کے مسائل حل کرنے میں اہم کردار ادا کیا ۔ اور ہسپتال ، روڈز ،پارک کی تعمیر ،فری کوچنگ کلاسز کا قیام اور میرٹ پر کام اس کے کارنامے ہیں ۔ انہوں نے کہا ۔ کہ چترال میں ایک طویل عرصے بعد ایک فعال اور غریب پرور ڈپٹی کمشنر کا تقرر ہوا ہے ۔ جو دن رات علاقے کے مسائل حل کرنے میں لگے ہوئے ہیں ۔ انہوں نے صوبائی حکومت سے پُرزور مطالبہ کیا ۔ کہ موجودہ ڈپٹی کمشنر کو مزید وقت دیا جائے ۔ تاکہ چترال کے مزید مسائل حل ہو سکیں ۔ انہوں نے کہا ۔ کہ چترال کے بے شمار مسائل کا انبار صوبے کی طرف سے یہاں غیر فعال ڈپٹی کمشنروں کی تعیناتی بھی ہے ۔ اور گذشتہ پندرہ سالوں میں اُسامہ احمد وڑائچ واحد ڈپٹی کمشنر ہیں ۔ جس نے عوامی خدمت کو عبادت کا درجہ دیا ہے ۔ اور اپنی بساط سے بڑھ کر عوامی مسائل حل کرکے اُنہیں سہولت دینے میں کوشاں ہیں ۔

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں

متعلقہ خبریں/ مضامین

اترك تعليقاً

error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔
إغلاق