شہید بھٹو اقوام عالم اور مسلم امہ کے رہنما تھے جن کو شہید کرنے سے عالم اسلام کو زبردست دھچکا لگا۔ایم پی اے سلیم خان۔
چترال(جہانگیر جگر سے) پاکستان پیپلز پارٹی چترال کے صدر ایم پی اے سلیم خان نے کہا ہے شہید بھٹو اقوام عالم اور مسلم امہ کے رہنما تھے جن کو شہید کرنے سے عالم اسلام کو زبردست دھچکا لگا وہ شہید بھٹو کے 38 ویں برسی کے موقع پر ایک مقامی ہوٹل میں پارٹی کے اراکین سے خطاب کررہے تھے انہوں نے کہا کہ پاکستان میں جمہوریت 73 کا متفقہ آئین اسلامی سربراہ کانفرنس جیسے کارہائے نمایاں انجام دیئے کہ انہیں رہتی دنیا تک لوگ یاد کریں گے چترال کیلئے لواری ٹنل،بجلی،اور آمدورفت سمیت تمام جمہوری حقوق دے دئیے جو پہلے عوام کو کبھی حاصل نہ تھے۔انہوں نے کہا کہ انہیں ضلع چترال کا صدر،حکیم خان کو جنرل سیکریٹری اور قاضی فیصل کو انفارمیشن سیکریٹری مقرر کیا گیا ہے باقی تنظیمیں وہ کارکنوں کے مشورے سے تشکیل دیں گے وہ ناراض کارکنوں کو منانے کی بھر پور کوشش کریں گے اور پارٹی کو متحد کریں گے یاد رہے کہ دروش سے کارکنوں نے جلوس کی شکل انہیں چترال شہر لایا برسی کے اجتماع سے شریف حسین،حکیم ایڈوکیٹ،قاضی فیصل،عالمزیب ایڈوکیٹ ،جاوید اختر وغیرہ نے بھی خطاب کیا۔