چترال کے ایک اور بہادر سپوت تاج محمد نے مادر وطن کیلئے جان قربان کردی اور یہ قربانی انشاء اللہ رائیگان نہیں جائیگی۔کرنل نظام الدین شاہ
چترال(نمائندہ چترال ایکسپریس) سپاہی تاج محمد جو کہ9این ایل آئی رجمنٹ سے تعلق رکھتے تھے دوران ڈیوٹی اپریشن ایریا سوات میں جام شہادت نوش کی۔شہید کی میت پاکستان آرمی کے MI-17ہیلی کاپٹر کے ذریعے مقامی گاؤں رامان لاسپور پہنچائی گئی جہاں اُن کی نماز جنازہ ادا کی گئی۔نماز جنازے میں کمانڈر چترال ٹاسک فورس کرنل نظام الدین شاہ،چترال سکاؤٹس کے آفیسر،جوان اور علاقے کے عوام کی بڑی تعداد نے شرکت کی۔شہید سپاہی تاج محمد کو پورے فوجی اعزاز کے ساتھ دفن کیا گیا۔کرنل نظام الدین شاہ نے موقع پر شہید کی قربانی پر زبردست خراج تحسین پیش کرتے ہوئے دعا کی کہ اللہ تعالیٰ شہید کی شہادت کو قبول فرمائیں ۔انہوں نے کہاکہ پاکستان کیلئے آرمی ،چترال سکاؤٹس اور دوسرے لاء ان فورس(لیویز )کے طرف سے نذرانہ رائیگان نہیں جائیگا اور یہ شہادت اس کا منہ بولتا ثبوت ہے اور جس خندہ پیشانی سے فورسیز نے1947سے لیکر آج تک ملک اور قوم کے لئے خدمات سرانجام دئیے ہیں اس پر میں پورے چترال کے عوام کو خراج تحسین پیش کرتا ہوں اور مجھے یقین کہ آپ اس ولولے ،جذبے اور محبت کے ساتھ اس ملک اور قوم کی خدمت کرتے رہینگے اور پاکستان آرمی اورچترال سکاؤٹس ہمیشہ آپ کے ساتھ ہے اور کبھی بھی آپ کو تنہا نہیں چھوڑے گا۔ واپسی پر پاک آرمی کے MI-17ہیلی کاپٹر میں مریضوں کو پشاور لے جایاگا جس میں مرد وخواتین اور بچے شامل تھے۔
اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں