چترال یونیورسٹی میں زیر تعلیم کالاش طلباء وطالبات میں چیف منسٹر خیبر پختونخوا اسٹوڈنٹس سکالرشپ پروگرام کے تحت تعلیمی وظائف کے چیک تقسیم 

چترال (نمائندہ چترال ایکسپریس) چترال یونیورسٹی میں زیر تعلیم کالاش طلباء وطالبات میں چیف منسٹر خیبر پختونخوا اسٹوڈنٹس سکالرشپ پروگرام کے تحت تعلیمی وظائف کے چیک تقسیم کرنے کی تقریب منعقد ہوئی جس میں یونیورسٹی کے پراجیکٹ ڈائریکٹر پروفیسر ڈاکٹر بادشاہ منیر بخاری نے 8کالاش طلباء اور 2طالبات کو چیک دے دئیے ۔ اس موقع پر یونیورسٹی کے پرووسٹ ڈاکٹر تاج الدین اور پبلک ریلیشنز افیسر شکیل حسین بھی موجود تھے۔ پراجیکٹ ڈائریکٹر نے کہاکہ کالاش کمیونٹی سے تعلق رکھنے والے اسٹوڈنٹس کو پہلی مرتبہ معیاری تعلیم کے لئے وظائف دئیے جارہے ہیں جبکہ مستقبل قریب میں ان کی تعداد میں خاطر خواہ اضافہ کیا جائے گا۔انہوں نے کالاش طلباء وطالبات پر زوردیا کہ وہ دلجمعی سے حصول تعلیم پر توجہ مرکوز کریں تاکہ وہ اپنے علاقے کو ترقی کی راہ پر گامزن کرسکیں۔
اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
زر الذهاب إلى الأعلى
error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔