گورنمنٹ دارالعلوم چترال میں شہید مولانا سمیع الحق مرحوم کی روح کے ایصال ثواب کیلئے فاتحہ خوانی کا اہتمام

چترال ( ارشاد اللہ شاد سے ) گورنمنٹ دارالعلوم چترال واقع شاہی مسجد چترال میں بروز ہفتہ شہید ناموس رسالت مولانا سمیع الحق مرحوم کی روح کے ایصال ثواب کیلئے اجتماعی دعا کی گئی ۔ جس میں جامعہ ہذا کے اساتذہ سمیت طلباء نے شرکت کی۔ اور ان کی شہادت کو امت مسلمہ اور خاص کر علمی حلقوں کیلئے بڑا سانحہ قرار دیا۔یاد رہے مولانا سمیع الحق کو گزشتہ روز راولپنڈی میں ان کے گھر میں نامعلوم شخص نے چھریوں کے وار کرکے شہید کر دیا تھا۔ مرحوم اکوڑہ خٹک مدرسہ حقانیہ کے سرپرست اعلی اور جمعیت علماء اسلام ( س) کے سربراہ اور دو مرتبہ پاکستان کے ایوان بالا کے رکن بھی منتخب ہوئے تھے۔ وہ ایک جید عالم دین اور مذہبی سکالر تھا ان کی کمی ہمیشہ محسوس کی جائے گی۔

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں