ملائشیا کے وزیراعظم مہاتیر محمد کا پاکستان میں کار پلانٹ لگانے کا اعلان – Chitral Express

کمرشل اشتہارات/ اعلانات

صفحہ اول | تازہ ترین | ملائشیا کے وزیراعظم مہاتیر محمد کا پاکستان میں کار پلانٹ لگانے کا اعلان

ملائشیا کے وزیراعظم مہاتیر محمد کا پاکستان میں کار پلانٹ لگانے کا اعلان

 اسلام آباد: ملائیشین وزیراعظم مہاتیر محمد نے اپنے پاکستانی ہم منصب عمران خان کو کار تحفے میں دیتے ہوئے پاکستان میں کار پلانٹ لگانے کا اعلان کردیا۔

ایکسپریس نیوز کے مطابق اسلام آباد میں وزیراعظم عمران خان کے ہمراہ مشترکہ نیوز کانفرنس میں ملائیشیا کے وزیراعظم مہاتیر محمد نے پاکستان میں کار پلانٹ لگانے کا بھی اعلان کیا، اور اپنے پاکستانی ہم منصب عمران خان کو ملائیشیا کی بنی کار “پروٹون” تحفے میں پیش کی۔

اس موقع پرملائیشین وزیراعظم کا کہنا تھا کہ آزادی کے وقت ملائیشیا ایک غریب ملک تھا، لیکن  ہم نے کوریا اور جاپان کے لوگوں سے سبق سیکھا، اور ملائیشیا میں بیرونی سرمایہ کاری لےکرآئے، سرمایہ کاری کے نتیجےمیں ٹیکنالوجی ملائیشیا منتقل ہوئی، اور پھر ہمارے ملک میں صنعتوں کے قیام سے غربت کا خاتمہ ہوا۔ صنعتی ترقی اور سرمایہ کاری سے ملک ترقی کرتے ہیں، اور سرمایہ کاری کے لیےامن واستحکام بہت ضروری ہے۔

مہاتیر محمد نے کہا کہ پاکستان سمیت دیگر ممالک کے ساتھ صرف بہترتعلقات نہیں بلکہ معاشی تعلقات میں بھی اضافہ چاہتے ہیں، ہم پاکستان کی ترقی میں کردار ادا کرنے کو تیار ہیں، پاکستان اورملائیشیا کو تجارتی تعاون بڑھانے اور تاجروں کے لیے اشتراک کے مواقع پیدا کرنے کی ضرورت ہے، ہم نے پاکستان میں کار پلانٹ لگانے کا فیصلہ کیا ہے اور پاکستان کے اندر تیار کردہ یہ گاڑیاں جون 2020 کے اندر پاکستان کی سڑکوں پر دوڑیں گی۔

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
دوسروں کے ساتھ اشتراک کریں

یہ خبر بھی پڑھیں

موجودہ مہنگائی کے تناسب سے پنشن میں 100فیصداضافہ کیاجائے۔آل پاکستان پنشنرزایسوسی ایشن صوبائی صدر فدامحمددرانی

چترال(نمائندہ چترال ایکسپریس)آل پاکستان پنشنرزایسوسی ایشن کے صوبائی صدرخیبرپختونخوا فدامحمددرانی نے چترال میں منعقد ایک ...


دنیا بھر سے

error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔