ڈرائیور برادری کے مشکلات کو مد نظر رکھتے ہوئے چترال کے سڑکوں کی طرف توجہ دی جائے۔صدر تریچ میر ڈرائیور یونین چترال صابر احمد  – Chitral Express

کمرشل اشتہارات/ اعلانات

صفحہ اول | تازہ ترین | ڈرائیور برادری کے مشکلات کو مد نظر رکھتے ہوئے چترال کے سڑکوں کی طرف توجہ دی جائے۔صدر تریچ میر ڈرائیور یونین چترال صابر احمد 

ڈرائیور برادری کے مشکلات کو مد نظر رکھتے ہوئے چترال کے سڑکوں کی طرف توجہ دی جائے۔صدر تریچ میر ڈرائیور یونین چترال صابر احمد 

چترال(نمائندہ چترال ایکسپریس) تریچ میر ڈرائیور یونین چترال کے کابینہ کا اجلاس ضلعی صدر ڈرائیوریونین صابرا حمد کی صدارت میں منعقد ہوا۔ اجلاس میں تحصیل صدور مرسلین ، احمد سعید،احکام الدین،شیر عجم،زاہد خالق،فضل ناصر،مہتاب،پرویز،سردار خان اور اقبال حیات سمیت کثیر تعداد میں ڈرائیور برادری نے شرکت کی۔اجلاس سے خطاب کرتے ہوئے اُنہوں نے کہا کہ ضلع چترال کے اندر سڑکوں کی حالت انتہائی خراب ہیں جو کھنڈرات کا نمونہ پیش کرتے ہیں مزید ستم یہ کہ چترال مستوج اور چترال گرم چشمہ روڈز کو کیبل بجھانے کے لئے کھدائی کرکے خندقیں بنائی گئی ہیں جو ایک طرف ٹریفک کے لئے رکاوٹ اورہر وقت حادثات کا سبب بن رہے ہیں تو دوسری طرف گاڑیاں کباڑا ہو جاتی ہیں۔جگہ جگہ پڑے ملبے کی رکاوٹوں کی وجہ سے ایک گھنٹے کا سفر چار گھنٹوں میں طے ہوتا ہے اس بات پر مسافروں اور ڈرائیور حضرات کے درمیان لڑائی جھگڑا روز کا معمول بن چکا ہے۔اُنہوں نے کہا کہ تیل کی قیمتوں میں روز بروز بڑھتی ہوئی اضافہ سے ڈرائیور برادری انتہائی پریشانی کا شکار ہوکر اپنا پیشہ چھوڑنے پر مجبور ہے۔اُنہوں نے کہا کہ الیکشن2018میں جن گاڑیوں سے الیکشن ڈیوٹی لی گئی تھیں اب تک اُنہیں بقاجات کی ادائیگی نہیں کی گئی ہیں جو کہ 9لاکھ90ہزار بنتے ہیں۔ اُنہوں نے سابق صدر کو تنبیہ کرتے ہوئے کہا کہ ڈرائیور برادری نے انتخابات میں اُنہیں مسترد کر دیا ہے مگر اس کے باوجود وہ اپنی حرکتوں سے باز نہیں آتا۔صدر تریچ میر ڈرائیور یونین چترال صابر احمد نے حکومت سے پُر زور اپیل کر دی ہے کہ ڈرائیور برادری کے مشکلات کو مد نظر رکھتے ہوئے چترال کے سڑکوں کی طرف توجہ دی جائے ،کیبل کھدائی میں مشنری کی جگہ مزدور سے کام لیا جائے تاکہ سڑک کم سے کم خراب ہو۔اور الیکشن 2018کے ڈیوٹی کرنے والے ڈرائیوروں کے بقایاجات کو فوری ادائیگی کئے جائیں ورنہ ڈرائیور برادری پیہ جام ہڑتال کرنے پر مجبور ہونگے۔
اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
دوسروں کے ساتھ اشتراک کریں

یہ خبر بھی پڑھیں

موجودہ مہنگائی کے تناسب سے پنشن میں 100فیصداضافہ کیاجائے۔آل پاکستان پنشنرزایسوسی ایشن صوبائی صدر فدامحمددرانی

چترال(نمائندہ چترال ایکسپریس)آل پاکستان پنشنرزایسوسی ایشن کے صوبائی صدرخیبرپختونخوا فدامحمددرانی نے چترال میں منعقد ایک ...


دنیا بھر سے

error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔