fbpx

حالیہ شدید بارشوں کی وجہ سے کلاس تا مڈاکلشٹ روڈ مکمل طورپربلاک،روڈ کی بحالی پر فوراً کام شروع کیاجائے۔وی سی ناظم قاضی خورشید احمد خان

چترال(نمائندہ چترال ایکسپریس)ناظم ویلج کونسل مڈکلشٹ قاضی خورشید احمد خان نے ایک اخباری بیان میں ایم این اے ،ایم پی اے ،ضلعی ناظم ،ڈپٹی کمشنر اور اے سی دروش کی توجہ کلاس سے مڈکلشٹ روڈ کی تباہی کی طرف مبذول کراتے ہوئے کہا ہے کہ حالیہ شدید بارشوں کی وجہ سے گذشتہ ایک ہفتے سے کلاس تا مڈاک لشٹ روڈ پہاڑی پتھر اور ملبہ گرنے کی وجہ سے مکمل طورپربلاک ہوگئی ہے، روڈ بند ہونے کی وجہ سے سکول آنے جانے والے طلبہ سمیت مریضوں اور علاقے کو سودا سلف پہنچانے میں انتہائی دقت اُٹھانا پڑرہا ہے۔اُنہوں نے کہا کہ علاقے کے عوام نے بذریعہ تحصیل ممبر شیر نذیر خان اور میرے ذریعے مذکورہ بالا حکام سے پُرزوراپیل کی ہے کہ لوگوں کی پریشانی کو مدنظر رکھتے روڈ کی بحالی پر جلد ازجلد کام شروع کیا جائے تاکہ آمدروفت کا سلسلہ دوبارہ بحال ہوجائے۔
اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں

متعلقہ خبریں/ مضامین

إغلاق