نشکوہ پل سیلاب کے وجہ شدید متاثر، آمد ورفت بند،فوری اقدا مات نہ کرنے کی صورت میں پل دریا برد ہونے کا خدشہ

اپر چترال (جہانزیب الرحمن) نشکو ہ پل دریا میں طغیانی کی وجہ سے شدید متاثر ہو چکا ہے کل رات دریا میں شدید طغیانی تھی جس کی وجہ سے پل کا ایک طرف کا راستہ دریا میں بہہ گیا اور پل کو بھی شدید نقصان پہنچ چکا ہے اگر پل کو بچا نے کے لئے فوری اقدا مات نہیں کی گئی تو پورا پل دریا میں بہہ سکتا ہے۔ پل سے آمدو رفت منقطع ہو چکی ہیں تور کہو سے نشکوہ بی ایچ یو ہسپتال آنے والے مریضوں کو شدید مشکلات کا سامناکرنا پڑ رہا ہے اور نشکوہ سے سینکڑوں کے تعداد میں طلباء وطا لبات زنانہ اور مر دانہ ہا ئی سکول ورکوپ میں تعلیم حا صل کررہے ہیں یکم آگست سے چھٹیاں ختم ہو نے کے بعد ان کو بھی سکول آنے جانے کے لئے کوئی متا بادل راستے کا انتظام نہیں ہے اس کے علا وہ تور کہو اور تریچ یو سی کے عوام اس پل سے بھر پور استفادہ حاصل کرتے تھے پل کے متاثر ہونے کے بعد وہ بھی شدید مشکلات سے دو چارہے۔علاقے کے سیا سی اور سما جی حلقوں نے سی اینڈ ڈبلیو ڈپارٹمنٹ، ڈی سی چترال،حکومت خیبر پختونخوا، ایم پی اے وزیر زادہ، ایم پی اے ہدایت الرحمن، ایم این اے عبدا لاکبر چترالی اور کمانڈنٹ چترال سکاوٹس سے اپیل کی ہے کہ فوراً اس پل کو مکمل طور پر تباہ ہونے سے بچا نے کے لئے اقدامات کرے ورنہ پل پورا دریا برد ہونے کا خدشہ مو جود ہے فو ری اقدامات سے پل کو بچا یا جا سکتا ہے۔

اس خبر کو پرنٹ میں حاصل کریں