تازہ ترین

حجرہ آرگنائزیشن چترال کی طرف سے چترال پریس کلب میں پریس بریفنگ،حجرہ آرگنائزیشن کا قیام گذشتہ سال ستمبر کے مہینے میں عمل میں لایا گیا۔

چترال (نمائندہ چترال ایکسپریس ) حجرہ آرگنائزیشن چترال کے کوارڈینیٹر غزالہ افضل نے چترال پریس کلب میں پریس بریفنگ سے خطاب کرتے ہوئے کہا ہے کہ چترال میں حجرہ آرگنائزیشن کا قیام گزشتہ سال ستمبر کے مہینے میں عمل میں لایا گیا ہے۔جو انتخابی اصلاحات کے حوالے سے ضلع چترال میں تمام اراکین قومی و صوبائی اسمبلی کے ممبران سے چترال کی ضلعی گروپ برائے انتخابی اصلاحات ڈسٹرکٹ الیکٹوریل ریفارمز گروپ(DERG)نے ضلع چترال کے ممبر قومی اسمبلی شہزادہ افتخار الدین ، ممبران صوبائی اسمبلی سلیم خان اور سردار حسین سے فرداً فرداً ملاقات کی ۔اُنہوں نے کہا کہ ملاقات میں انتخابی اصلاحات کے حوالے با الخصوص صوبائی حقوق سے متعلق انتخابی اصلاحات پر تبادلہ خیال کیا گیا۔DERGممبران نے اراکین صوبائی ، قومی اسمبلی کے ممبران سے ضلع چترال کے دیگر انتخابی پیچید گیوں کے علاوہ صوبائی حقوق سے متعلق انتخابی اصلاحات پر بات چیت کی۔جس میں الیکشن کمیشن کے خیبر پختونخوا صوبہ سے تعلق رکھنے والے ممبر کے انتخاب کا حق صوبائی اسمبلی کو دینے اور مخصوص نشستوں کے انتخاب کے لئے پیمانہ کسی سیاسی جماعت کے حاصل کردہ نشستوں کے بجائے اس جماعت کے حاصل کردہ ووٹوں کی تعداد کو مقرر کرنا قابل ذکر ہیں۔چترال کے ضلع گروپ برائے انتخابی اصلاحات نے ملاقات کے دوران صوبائی اسمبلی کے ممبر ان سلیم خان اور سردار حسین سے ایک تحریری اقرار نامہ بھی لیا ہے۔جس میں دونوں ممبران نے اس بات کا عہد کیا کہ اُن تجاویز کو قرار داد کی صورت میں اپنی اسمبلی کے آئندہ اجلاس میں پیش کریں گے۔یا کسی دیگر ساتھی MPAنے ایسی قرارداد پیش کی تو اس کی بھر پور حمایت کریں گے ۔پریس بریفنگ کے موقع پر نسرین،نسیم محمد ایڈوکیٹ،رضا علی ایڈوکیٹ،ضیاء الرحٰمن جبکہ رضا کار شاہد اقبال اور شاہانہ بی بی بھی موجود تھے۔



اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
اظهر المزيد

مقالات ذات صلة

اترك تعليقاً

إغلاق