ضلعی انتظامیہ اور ڈاکٹرز کمیونٹی کے درمیان جاری چپقلش اختتام کو پہنچی،ڈاکٹربرادری نے 11اپریل کی ہڑتال کی کال واپس لے لی۔

چترال (نمائندہ چترال ایکسپریس) افیسرز کالونی دنین میں بنگلے سے ڈاکٹروں کی بے دخلی اور ایک ڈینٹل ڈاکٹر محمد قاسم اور ان کی اہلیہ کے خلاف ایف آئی آر کی اندراج پر ضلعی انتظامیہ اور ڈاکٹرز کمیونٹی کے درمیان جاری چپقلش اختتام کو پہنچی جس میں ضلعے کی سیاسی قیادت نے کردار ادا کیا۔ ڈپٹی کمشنر چترال اسامہ احمد وڑائچ کے ساتھ نشست کے بعد ڈاکٹرز کمیونٹی کے ترجمان ڈاکٹر نذیر حسین شاہ نے میڈیا کو بتایاکہ سیاسی رہنماؤں کی موجودگی میں دونوں فریقین نے ایک دوسرے کے موقف سے اتفاق کیا جن میں ضلعی انتظامیہ کی طرف سے ڈی ایچ کیو ہسپتال کے لئے دس بنگلوں کی حق تسلیم کرنا اور گزشتہ دن کی ناخوشگوار واقعے بعد درج کی جانے والی ایف آئی آر کاخاتمہ شامل تھا۔جس کے بعد ڈاکٹربرادری نے 11اپریل کی ہڑتال کی کال واپس لے لی۔

اس خبر کو پرنٹ میں حاصل کریں