لواری ٹاپ ہلکی ٹریفک کے لئے کھول دی گئی؛ عنقریب بھاری گاڑیاں بھی گزر سکیں گی/اسسٹنٹ کمشنر بشارت احمد

چترال (نمائندہ چترال ایکسپریس)لواری ٹاپ کا راستہ ہلکی ٹریفک کے لئے کھول دی گئی ہے۔ اس حوالے سے اسسٹنٹ کمشنر دروش بشارت احمد نے میڈیا سے بات چیت کرتے ہوئے کہا کہ لواری ٹاپ کا راستہ برف کی صفائی کے بعد ہلکے ٹریفک کے لئے کھول دیا گیا ہے جبکہ بہت جلد بھاری گاڑیاں بھی ٹاپ سے گزر سکیں گی۔ انہوں نے بتایا کہ آرمی انجنیئرز کی ٹیم نے کافی محنت کے بعد راستہ صاف کردیا ہے۔ دوسری طرف عوامی حلقوں نے لواری ٹاپ کے راستے کو کھولنے پر مسرت کا اظہار کیا ہے جبکہ حالیہ دنوں ٹنل سے سفر کے لئے شیڈول پر عملدرآمد کو یقینی بنانے پر ڈی سی چترال کا شکریہ بھی ادا کیا ہے۔

اس خبر کو پرنٹ میں حاصل کریں