حضرت عمرفاروقؓ کے یوم شہادت پرعام تعطیل کی اعلان کرنے میں صوبائی حکومت کوخراج تحسین پیش کرتے ہیں ۔اہلسنت والجماعت
چترال (نمائندہ چترال ایکسپریس)اہلسنت والجماعت ضلع چترال کے امیرحافظ خوش ولی خان ولی جنرل سیکرٹری مولاناجاویدالرحمن اورمولاناسراج احمدنے ایک اخباری بیان میں صوبائی حکومت کوخراج تحسین پیش کرتے ہوئے کہاہے کہ صوبائی حکومت خلیفہ ثانی جسکو نبی کریمﷺنے اسلام کی سربلندی کے لئے مانگاتھاکے یوم شہادت کے موقع پرصوبائی حکومت نے عام تعطیل کااعلان کرکے محب وطن اسلام دوستی کاثبوت دیاہے۔ انہوں نے کہاکہ ہم وفاقی حکومت سے مطالبہ کرتے ہیں کہ وفاقی حکومت بھی اہلسنت والجماعت کے دیرینہ مطالبے پرعمل کرکے کے پی کے حکومت کی طرح خلفاء راشدین کے آیام پرچھٹی کااعلان کریں۔اہلسنت والجماعت کے رہنماوں نے ضلعی حکومت پربھی زوردیاکہ چترال کی ضلعی حکومت خلفاء راشدین کے آیام پرسمینار منعقدکریں اورمسلمانوں کوان عظیم شخصیات کی مبارک زندگی سے روشناس کرائیں۔
اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
