گورنمنٹ ہائی سکول (مردانہ )ریشن کی حالت قابل غور ہے

چترال(نمائندہ چترال ایکسپریس)گورنمنٹ ہائی سکول (مردانہ) ریشن کوگذشتہ سال سیلاب کی وجہ سے کافی حدتک نقصان پہنچا تھا۔جس میں ہائی سکول گراونڈ اور کمپیوٹر لیب مکمل طورپر تباہ ہوئے تھے۔اس کے علاوہ سکول کے ایک حصے کو بھی نقصان پہنچا تھا جس کی وجہ سے طالب علموں کونقصان پہنچنے کے خدشات ہیں۔دو سال گذرنے کے باوجود ابھی تک حکومت نے اس قومی اثاثے کو مزید نقصان سے بچانے کے لئے کوئی بھی اقدام نہیں اُٹھایا جو کہ قابل مذمت ہے۔انیس الرحمن یوتھ کونسلر وی سی ریشن نے حکومت سے پُرزور مطالبہ کیا ہے کہ ہمارے قومی اثاثے کو مزید نقصان سے بچانے کے لئے فوری اقدامات کریں۔