جمعیت العلماء اسلام ف تحصیل موڑکہو کے کابینہ کا ایک اہم اجلاس۔ضلعی کابینہ کے روئیے پر برہمی کا اظہار

موڑکہو (اعجاز احمد) گذشتہ روز جمعیت العلماء اسلام ف تحصیل موڑکہو کے کابینہ کا ایک اہم اجلاس امیر جمعیت العلماء اسلام تحصیل موڑکہو مولانا محمد مراد کے صدارت میں سماگول میں منعقد ہوا۔اجلاس میں ضلعی کابینہ کے روئیے پر برہمی کا اظہار کرتے ہوئے تحصیل کابینہ کے اراکین نے کہا کہ ضلعی کابینہ پارٹی مفادات پر ذاتی مفادات کو ترجیح دے رہے ہیں جوکہ پارٹی کے لئے نہایت نقصان دہ ثابت ہورہا ہے۔خاصکر کے جے یو آئی تحصیل موڑکہو کے ساتھ سوتیلی ماں کا سلوک روا رکھا ہوا ہے جو ضلعی قیادت کی نااہلی کی بنا پر تحصیل موڑکہو میں پارٹی کا ووٹ بینک بُری طرح متاثر ہورہا ہے اور ضلعی قیادت خواب خرگوش میں سویا ہوا ہے۔اس صورت حال میں موڑکہو میں جے یو آئی کی کمزوری کی تمام تر ذمہ داری ضلعی کابینہ پر عائد ہوگی۔

اس خبر کو پرنٹ میں حاصل کریں