تازہ ترین

مشکلات سے دوچار لوگوں کے مسائل حل کرنا پی پی پی کے رہنماؤں کی اولین ترجیح ہے ۔ایم پی اے سلیم خان

چترال(نمائندہ چترال ایکسپریس ) ایم پی اے چترال چیرمین ڈیڈک سلیم خان نے کہا ہے کہ پیپلز پارٹی نے پسماندہ علاقوں کی ترقی کو اہمیت دی ۔ اور مشکلات سے دوچار لوگوں کے مسائل حل کرنا پی پی پی کے رہنماؤں کی اولین ترجیح ہے ۔ یہی وجہ ہے کہ مشکلات اور مسائل سے دوچار لوگ پیپلز پارٹی کو اپنا پارٹی سمجھتے ہیں ۔ ان خیالات کا اظہار انہوں نے پاک افغان سرحدی علاقہ ارندو میں ایک بڑے شمولیتی تقریب سے خطاب کرتے ہوئے کیا ۔ اس موقع پر پارٹی کے کارکناں کی بڑی تعدادموجود تھی ۔ 20161118_142422انہوں نے کہا ۔ کہ ارندو کے عوام کا پیپلز پارٹی کے ساتھ بہت مضبوط رشتہ ہے ۔ اور ہم اس باہمی تعلق کو مزید پائیدار بنانا چاہتے ہیں ۔ اُنہوں نے یوسی ارندو میں بطور ایم پی اے ترقیاتی منصوبوں کا تفصیل سے ذکر کیا ۔ اور کہا ۔کہ ارندو ایک دور اُفتادہ سرحدی یوسی ہے ۔ جس کے مسائل حل کرنے پر بھر پور توجہ دی جائے گی ۔ سلیم خان نے اس موقع پر 140افراد کے خاندان سمیت پاکستان پیپلز پارٹی میں شمولیت کرنے پر وی سی ناظم ملک حاجی غازی ، سید گلاب ، بادشاہ خان اور میرزہ خان وغیرہ کا شکریہ ادا کیا ۔ اور اُنہیں مبارکباد دی ۔ اس موقع پر شمولیت کرنے والوں نے خطاب کرتے ہوئے اس عزم کا اظہار کیا ۔ کہ وہ پاکستان پیپلز پارٹی کی ترقی اور اُس کا پیغام گھر گھر پہنچانے اور سپورٹ کرنے میں اپنی تمام صلاحیتیں بروئے کا ر لائیں گے ۔ ایم پی اے سلیم خان نے کمسئے روڈ کیلئے مجموعی طور پر 30لاکھ اور واٹرسپلائی سکیم کیلئے 15لاکھ روپے کا اعلان کیا ۔ جس پر مقامی لوگوں نے اُن کا شکریہ ادا کیا ۔


اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں

متعلقہ مواد

اترك تعليقاً

إغلاق