تحریک حقوق عوام چترال کے ایگزیکٹو کمیٹی کا ایک ہنگامی اجلاس۔ شجاع الدین لال کو تحریک کی بنیادی رکنیت سے برطرف کردیا گیا

چترال(نمائندہ چترال ایکسپریس)تحریک حقوق عوام چترال کے ایگزیکٹو کمیٹی کا ایک ہنگامی اجلاس تحریک کے صدر مختار احمد سنگین کے زیر صدارت منعقد ہوا۔جس میں نومنتخب جنرل سیکرٹری شجاع الدین لال کی طرف سے بار بار تحریک کے قوائدکی خلاف ورزی کرنے پر شجاع الدین لال کو تحریک کی بنیادی رکنیت سے برطرف کرکے اشتیاق احمد کو اُن کی جگہ نیا جنرل سیکرٹری مقرر کردیا۔اجلاس میں فیصلہ ہوا کہ آج کے بعد شجاع الدین کا تحریک سے کوئی تعلق نہیں رہا۔جنوری کے مہینے میں نو منتخب ممبران کی حلف برداری چترال پریس کلب میں منعقد ہوگی۔تحریک کے زمہ داران ڈی سی چترال سے باضابطہ ملاقات بھی کرینگے۔اور سب ڈویژن مستوج کے مسائل کے بارے میں اُن کو آگاہ کرینگے۔

اس خبر کو پرنٹ میں حاصل کریں