چترال میں بارشوں کی وجہ سے معطل پاک آرمی اور چترال سکاؤٹس کا ریسکیو اپریشن دوبارہ شروع

چترال(نمائندہ چترال ایکسپریس)پاک آرمی اور چترال سکاؤٹس کی مشترکہ ریسکیو اپریشن جو کہ موسم کی خرابی کی وجہ سے تعطل کا شکار ہوا تھا منگل 21فروری کو دوبارہ شروع ہوا۔ریسکیو اپریشن میں چترال اور گرم چشمہ میں روڈ کی بندیش کی وجہ سے پھنسے ہوئے مسافروں جن میں بیمار،بوڑھے خواتین اور بچے شامل تھے چترال سے گرم چشمہ تین مسافروں کو جبکہ گرم چشمہ سے چترال 28افراد جن میں بیمار مرد وخواتین اور بچے شامل تھے کو چترال بذریعہ ہیلی کاپٹر پہنچایا گیا۔ہیلی کاپٹر میں پاک آرمی کے پیرامیڈیکل سٹاف بھی موجود تھی۔جنہوں نے بیماروں کو طبعی امداد دی۔عوامی اور سیاسی حلقوں نے پاک آرمی اور چترال سکاؤٹس کے طرف سے جاری ریسکیو اپریشن کو شاندار الفاظ میں سراہا ہے۔

اس خبر کو پرنٹ میں حاصل کریں