جے یو آئی تحصیل موڑکہو کے مجلس عمومی کا اجلاس،صد سالہ تین روزہ کانفرنس میں شرکت کے عزم کا اظہار

موڑکہو(اعجاز احمد) گذشتہ روز جے یو آئی تحصیل موڑکہو کے مجلس عمومی کا اجلاس جامعہ مسجد رایگاز میں منعقد ہوا۔اجلاس میں علماء نے کثیر تعداد میں شرکت کی۔اجلاس کا ایجنڈا جے یوآئی کا صد سالہ کانفرنس تھا۔اجلاس کی صدارت امیر جے یو آئی تحصیل موڑکہو مولانا محمد مراد نے کی۔تحصیل ناظم مولانا یوسف نے اس حوالے سے اپنے خیالات کا اظہار کیا۔پرنسپل سمیع الحق نے جے یو آئی کی تاریخ پر روشنی ڈالی۔مولانا میر بہادر نے معاشرے میں ہونے والے بُرائیوں کو روکنے کے حوالے سے علماء پر زور دیا۔اس طرح دیگر علماء کرام نے بھی اپنے خیالات کا اظہار کیا۔شرکاء مجلس نے صد سالہ تین روزہ کانفرنس میں شرکت کاعزم ظاہر کیا۔