بعض اداروں کے پاس مشینری اور وسائل ہونے کے باوجود ایمرجنسی کے دوران اُن کی کارکردگی صفر ہے ۔تحصیل ناظم محمد الیاس

چترال ( محکم الدین ) تحصیل ناظم چترال مولانا محمد الیاس نے کہا ہے ۔ کہ بعض اداروں کے پاس مشینری اور وسائل ہونے کے باوجود ایمرجنسی کے دوران اُن کی کارکردگی صفر ہے ۔ جبکہ اُن کے مقابلے میں ٹی ایم اے بے سرو سامانی کے باوجود قابل تعریف خدمات انجام دی ہیں ۔ ان خیالات کا اظہار انہوں نے منگل کے روز تحصیل کونسل کے اجلاس سے خطاب کرتے ہوئے کیا ۔ انہوں نے کہا ، کہ سی اینڈ ڈبلیو ، پبلک ہیلتھ اور واپڈا کی کارکردی سب پر عیاں ہے ۔ اور انہوں نے چترال میں برفباری کے دوران روایتی سستی کا مظاہرہ کیا ۔ انہوں نے کہا ۔ کہ یہ ادارے اگر اسی طرح سستی اور غفلت کا مظاہرہ کریں گے ۔ تو عوام کے تعاون سے اُنہیں تالا لگانا پڑے گا ۔ تحصیل ناظم نے کہا ۔ کہ کجو کے مقام پر مٹی کا تودہ گرا ہے ۔ اور ایک مہینے سے مقامی لوگ اور اپر چترال کے مسافر اس کی صفائی کا مطالبہ کر رہے ہیں ۔ لیکن اُس کی طرف کوئی توجہ نہیں دی جاتی ۔ جبکہ سڑک عنقریب بلاک ہو نے کو ہے ۔ اسی طرح کجو ،راغ اور کاری کے واٹر ٹینک میں پانی نہیں پہنچ رہا ۔ اور لوگ مشکلات کا شکار ہے ۔ اگر پبلک ہیلتھ اس مسئلے کا بروقت حل نہ نکالا ۔ تو اس کے ساتھ نمٹنا پڑے گا ۔ کیونکہ ادارے عوام کیلئے بنائے گئے ہیں ، ان کی ناقص کارکردگی کب تک عوام برداشت کرتے ہیں گے ۔ جبکہ واپڈا کا کام بھی انتہائی غیر تسلی بخش ہے ۔ انہوں چترال بازار کے اندر سولر لائٹس کی تنصیب کے ٹھیکہ دار کو متنبہ کیا ۔ کہ ایک ہفتے کے اندر اپنا کام پورا کرے ، بصورت دیگر اُن کے خلاف کاروائی کرنے پر مجبور ہوں گے ۔ تحصیل ناظم نے اس امر پر انتہائی افسوس کا اظہار کیا ۔ کہ تحصیل کونسل کو گیارہ کروڑ کا ترقیاتی بجٹ دیا گیا تھا ۔ مگر بعد آزان اُس میں سے پچاس فیصد کی کٹوتی کی گئی۔جبکہ پچاس فیصد میں سے صرف دو قسطیں ٹی ایم اے کو دیے گئے ہیں ۔ انہوں نے اس موقع کنونئیر تحصیل کونسل خان حیات اللہ خان کی قیادت میں ممبران تحصیل کونسل قسور اللہ قریشی ، شیر نذیر خان ، محمد علی شاہ اور خوش محمد پر مشتمل کمیٹی تشکیل دی ۔ جو صوبائی وزیر بلدیات عنایت اللہ خان اور دیگرسے ملاقات کرکے تحصیل کونسل کیلئے گرانٹ کی فراہمی کی کوشش کرے گا ۔ انہوں نے ٹیکسیشن کمیٹی کے فیصلے کے بعد دروش میں اڈے کے قیام کی یقین دھانی کی ۔ قبل ازین کنونئیر تحصیل کونسل خان حیات اللہ خان نے اجلاس کا آغاز کیا ۔ اور چترال میں حالیہ برفباری سے ہونے والے نقصانات اور بحالی کے بارے میں اقدامات اور درپیش مسائل پر روشنی ڈالی ۔ جس پر تحصیل کونسل کے ممبران عبدالحق ، قسوراللہ قریشی دروش، عبد المجید شغور ، خوش محمد گرم چشمہ ، شیر نذیر شیشی کوہ ، محمد علی شاہ کریم آباد ، ضیاء السلام یو تھ ،عبدالسلام دروش،عبد القیوم شاہ کوہ ، فریدہ سلطانہ اور روئیداد خان نے بحث میں حصہ لیا ۔

اس خبر کو پرنٹ میں حاصل کریں