لوگوں کی شکایات پر فوری کاروائی یقینی بنائیں۔وگوں کی شکایات کا ازالہ یقینی ہونا چاہیئے۔وزیر اعلیٰ کی کمپلینٹ سیل چیئرمین کوہدایت

پشاور(چترال ایکسپریس)وزیر اعلیٰ خیبر پختونخوا پرویز خٹک نے وزیراعلیٰ کمپلینٹ سیل کے چیئرمین دلر وز خان کوہدایت کی ہے کہ لوگوں کی شکایات پر فوری کاروائی یقینی بنائیں ۔جن محکموں کے افسران بروقت جواب نہیں دیتے اُن کے نوٹس میں لائیں یہ ہدایات انہوں نے وزیراعلیٰ سیکرٹریٹ پشاو رمیں شکایات سیل کے ہنگامی دورے کے دوران جاری کیں۔ اس موقع پر وائس چیئرمین وزیراعلیٰ کمپلینٹ سیل مکرم آفریدی بھی موجود تھے۔وزیراعلیٰ نے کہاکہ لوگوں کی شکایات کا ازالہ یقینی ہونا چاہیئے ۔ شکایات سیل سسٹم کا حصہ ہے لہٰذا اس سے وابستہ لوگوں کی توقعات پوری ہونی چاہئیں ۔ وزیراعلیٰ نے اس مو قع پر عوام کی شکایات سنیں اور فوری داد رسی کی ہدایت کی ۔اس موقع پر وزیراعلیٰ کو بریفینگ بھی دی گئی کہ کس طرح لوگوں کی شکایات اور اُن کے مسائل کا حل یقینی بنایا جا تا ہے ۔انہیں بتایا گیا کہ چھوٹے مسائل کا موقع پر ہی حل نکالنے کی کوشش کی جاتی ہے ۔

اس خبر کو پرنٹ میں حاصل کریں