تازہ ترین

اہلسنت والجماعت چترال كاکذاب کو قرار واقعی سزا دینے تمام گرفتار شدگان کی رہائی اور ان کے خلاف فوجداری مقدمات کی واپسی کا مطالبہ

چترال (نمائندہ چترال ایکسپریس) اہلسنت والجماعت چترال کے امیر حافظ خوش ولی ،جنرل سیکرٹری مولانا جاوید الرحمن، ترجمان قاری خلیل الرحمن ،سابق امیر مولانا نوراللہ ،رہنما قاری طار ق علی شاہ، سیکرٹری مالیات مفتی حسن الدین اور دوسرے رہنماؤں قاری آفتاب احمد، مولانا صلاح الدین، قاری عزیز الرحمن اور دوسروں نے گزشتہ دنوں شاہی مسجد چترال میں نبوت کا دعویٰ کرنے والے کذاب کو قرار واقعی سزا دینے اور ان کی پشت پناہی کرنے والے شرپسند عناصر کو بے نقاب کرنے،واقعے کے بعد احتجاج کرنے والوں پر وحشیانہ تشددکا سخت نوٹس لینے اور تمام گرفتار شدگان کی رہائی اور ان کے خلاف فوجداری مقدمات کی واپسی کا مطالبہ کیا ہے Image may contain: 5 people, people standing and people sittingجمعہ کے روز چترال پریس کلب میں ایک پریس کانفرنس سے خطاب کرتے ہوئے انہوں نے کہاکہ احتجاج کی آڑ میں دکانوں، سرکاری دفاتر او ر املاک کو نقصان پہنچانا قابل مذمت ہے اور اہل سنت والجماعت کی تنظیم اس کا بھر پور مخالف ہے اور چترال کی سرزمین میں امن وامان کی مثالی فضا کو قائم اور برقرار رکھنے کو ہم اولین ترجیح دیتے ہیں۔ انہوں نے کہاکہ جہاں بھی نبوت کا دعویدار نکلتا ہے تو اسے پاگل قرار دے کر اسے بچانے کی کوشش کی جاتی ہے لیکن ہم حکمرانوں پر یہ بات واضح کرنا چاہتے ہیں کہ اگر اس دفعہ بھی نبوت کے دعویدار کذاب کو اس آڑ میں معافی دی گئی تو حکومت خود آئین کی خلاف کا مرتکب ہوگا جبکہ ملزم کو سزا ملنے پر آئندہ بھی کوئی پاگل پن کے آڑ میں کوئی نبوت کا دعویٰ کرنے کی ہمت نہیں کرسکے گا۔ حافظ خوش ولی نے ایک سوال کے جواب میں کہاکہ چترال میں احتجاجیوں پر حد اور ضرورت سےImage may contain: 3 people, people sitting and indoor ذیادہ تشدد کیا گیا جبکہ دوسرے علاقوں میں توہین رسالت کے خلاف جلوسوں میں کہیں بھی پولیس اور انتظامیہ نے وحشت وبربریت نہیں دیکھائی اور نہ ہی ان کے خلاف دہشت گردی ایکٹ کے تحت مقدمہ قائم کیا گیا۔ انہوں نے ضلعی حکومت اور انتظامیہ کی ناکامی پر افسوس کا اظہار کرتے ہوئے کہاکہ اس واقعے کے دوران وہ مظاہریں کو پرامن طور پر منتشر کرنے کی قوت اور اختیار رکھتے تھے مگر انہوں نے کوئی کردار ادا نہیں کیا۔ انہوں نے کہاکہ بہت جلد چترال کے عوام کی طرف سے ایک مشترکہ لائحہ عمل طے کرنے کے لئے اہل سنت والجماعت کی طرف سے آل پارٹیز کانفرنس بلائی جائے گی۔

Advertisements

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں

متعلقہ

زر الذهاب إلى الأعلى