چترال لوئر

کمانڈنٹ چترال ٹاسک فورس کرنل معین الدین کا دورہ رمبور، فری میڈیکل کیمپ کا انعقاد

چترال(نمائندہ چترال ایکسپریس)کمانڈنٹ چترال ٹاسک فورس کرنل معین الدین نے چترال کے پسماندہ گاؤں رمبور ویلی کا دورہ کیا اور چترال سکاؤٹس کی طرف سے علاقے میں فری میڈیکل کیمپ کا انعقاد کرایا،فری میڈیکل کیمپ میں چترال سکاؤٹس کے طبی عملہ اور ڈاکٹرز شامل تھے۔علاقے کے عوام کو مفت علاج کی سہولیات سمیت مفت دوائیاں بھی تقیسم کی گئی۔378مریضوں جن میں مرد،خواتین اور بچے شامل تھے کا معائنہ کیا گیا۔کمانڈنٹ چترال ٹاسک فورس نے علاقہ کے عمائدین سے ملاقات کی اور علاقے کو درپیش مسائل کو حل کرنے کی یقین دہانی کرائی۔بعد میں رمبور گاؤں کے نادار اور مستحق خاندانوں میں راشن پیکیجز بھی تقیسم کی گئی۔کمانڈنٹ چترال ٹاسک فورس کی طرف سے فری میڈیکل کیمپ کے انعقاد اور راشن تقسیم کرنے پر علاقے کے عوام نے اُن کا شکریہ ادا کیا۔
اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں

متعلقہ

زر الذهاب إلى الأعلى