وزیر اعلیٰ کی طرف سے شدید گرمی کے پیش نظرسرکاری اورنجی دونوں سطح پر پرائمری اورمڈل سکولوں میں آج سےدس دن کی چھٹی کا اعلان

پشاور(چترال ایکسپریس)نگران وزیر اعلیٰ خیبر پختونخوا سابق جسٹس دوست محمد خان نے شدید گرمی کے پیش نظر سرکاری اور نجی دونوں سطح پر پرائمری اور مڈل سکولوں میں آج سے دس دن کی چھٹی کا اعلان کیا ہے،انہوں نے یہ اعلان معمول سے ہٹ کر گرمی کی شدت میں اضافے اور بچوں کو مشکلات کے حوالے سے بڑھتی ہوئی شکایات کے تناظر میں کیا ۔انہوں نے مذکورہ حکم پر عملدرآمد یقینی بنانے کی ہدایت کرتے ہوئے واضح کیا کہ ریگولیٹری اتھارٹی حکم کی تعمیل یقینی بنانے کیلئے سکولوں پر چھاپے مارے گی اورخلاف ورزی کرنے والے سکولوں کو بند کیا جائے گا اور ان پر جرمانہ بھی عائد کیا جائے گا۔

اس خبر کو پرنٹ میں حاصل کریں