ایم این اے چترال مولانا عبدالاکبر کا لواری ٹنل پرسیکیورٹی اہلکاروں کے نامناسب رویے کے خلاف احتجاج ، ڈھائی گھنٹے تک دھرنا 

چترال ( نمائندہ چترال ایکسپریس ) ایم این اے چترال مولانا عبدالاکبر نے لواری ٹنل پرسیکیورٹی اہلکاروں کے نامناسب رویے کے خلاف احتجاج کرتے ہوئے ڈھائی گھنٹے تک دھرنا دیا ۔ تاہم بعدآزان حکام کی یقین دہانی کے بعد دھرنا ختم کرکے پشاور روانہ ہو گئے ۔ ایم این اے چترال مولانا عبدالاکبر نے ٹیلیفون پر میڈیاسے خصوصی بات چیت کرتے ہوئے بتایا ۔ کہ اتوار کی صبح 8بجے جب وہ ایک ضروری میٹنگ کے سلسلے میں اسلام آباد جاتے ہوئے لواری ٹنل پر پہنچا ۔ تو اپنی شناخت کرنے کے باوجود اُنہیں ٹنل سے گزرنے کی نہ صرف اجازت نہیں دی گئی بلکہ نامناسب رویہ بھی اپنایا گیا۔ اور اُن کے ڈرائیور پر ہاتھ اُٹھایا گیا ۔ اُنہوں نے کہا ۔ کہ اس نا مناسب رویے کے خلاف انہوں نے ڈھائی گھنٹے احتجاج کیا اور دھرنا دیا ۔ انہوں نے کہا ۔ کہ ایک قومی نمایندے کے ساتھ جب ٹنل سیکیورٹی کا رویہ درست نہیں ۔ تو عام چترالی باشندوں کے ساتھ روا رکھے جانے والا رویہ کتنا افسوسناک ہو سکتا ہے ۔ مولانا چترالی نے کہا ۔ کہ انہوں نے لواری ٹنل پر دھرنا اور احتجاج اس لئے ختم کی ۔ کہ حکام نے معذرت طلب کی اور یقین دھانی کی ۔ کہ نامناسب رویے کے مرتکب افراد کے خلاف کاروائی کی جائے گی ۔ اور آیندہ لواری ٹنل پر چترال سکاؤٹس اور چترال پولیس کے جوان ڈیوٹی دیں گے ۔تاکہ چترالی مسافروں کی پہچان میں آسانی ہو ۔ مولانا چترالی نے کہا ۔ کہ وہ اس حوالے سے قومی اسمبلی میں بھی تحریک استحقاق جمع کریں گے ۔ کیونکہ اُن کا اور چترال کے لوگوں کااستحقاق بُری طرح مجروح ہوا ہے اور ہو رہا ہے ۔ انہوں نے کہا ۔ کہ لواری ٹنل گذشتہ حکومت میں مکمل ہو اہے ۔ اور تکمیل شدہ ٹنل کو مسافروں کیلئے 12گھنٹے بند رکھنا بنیادی انسانی حقوق کی خلاف ورزی ہے ۔جس کا حل اب ہر صورت میں نکلنا چاہیے ۔ ایم این اے نے کہا ۔ کہ احتجاج کے دوران تمام مسافروں نے دھرنے میں حصہ لیا ۔ جس سے یہ بات ثابت ہوتی ہے ۔ کہ عوام لواری ٹنل کے حوالے سے مشکلات کا شکار ہیں ۔

اس خبر کو پرنٹ میں حاصل کریں