بجلی کے حصول کے لئے ویلج کونسل ایون ٹو کے باشندوں کا دھرنا ہفتے کے روز بارش اور برفباری کے باوجود جاری رہا

چترال (نمائندہ چترال ایکسپریس) ایس آر ایس پی کے ایون ہائیڈرو پاؤر اسٹیشن سے بجلی کے حصول کے لئے ویلج کونسل ایون ٹو کے باشندوں کا دھرنا ہفتے کے روز بارش اور برفباری کے باوجود جاری رہا اور مظاہرین جوش وخروش کے ساتھ دھرنا کیمپ میں موجود رہے۔ ہفتے کے دن احتجاجی دھرناچھٹے روز میں داخل ہوگئی ۔احتجاجی تحریک کے رہنما محمد رحمن نے ٹیلی فون پر بتایاکہ دھرنا کیمپ مطالبے کی منطوری تک جاری رہے گاجوکہ ایس آر ایس پی بجلی گھر سے بجلی کی فراہمی سے کم کچھ نہیں ہے۔