ڈی ایچ ڈی سی کے زیر اہتمام (PHSA) پشاورکی تعاون سے ٹی ایچ کیو ہسپتال دورش میں سولڈ ویسٹ مینجمنٹ کے موضوع پردو روزہ ورکشاپ اختتام پذیر

چترال (نمائندہ چترال ایکسپریس)ڈسٹرکٹ ہیلتھ ڈیویلپمنٹ سنٹر(DHDC)چترال کے زیر اہتمام (PHSA) پشاورکی تعاون سے تحصیل ہیڈکواٹرہسپتال دورش میں سولڈ ویسٹ مینجمنٹ کے موضوع پردو روزہ ورکشاپ اختتام پذیرہوئی۔پروگرام کے مہمان خصوصی ایم ایس تحصیل ہیڈکواٹرہسپتال دورش ڈاکٹرضیاء الملک،ڈپٹی ڈائریکٹرڈی ایچ ڈی سی چترال ڈاکٹرارشاد احمد،پروگرام سہولت کارڈپٹی ڈائریکٹر فارسٹ اعجازاحمداورشاکرالدین نے شرکاء ٹریننگ سے خطاب کرتے ہوئے کہاہے کہ ہسپتالوں میں سولڈویسٹ کو ٹھکانے لگانے کیلئے انتظام کوتسلی بخش کرنے کی ضرورت ہے،جس کی وجہ سے بیماریاں پھیلنے کا خدشہ ہے،انسانی جانوں کے تحفظ کے لیے صاف ستھرے ماحول کی فراہمی محکمہ صحت کی اولین ذمہ داریوں میں سے ایک ہے۔ انہوں نے کہاکہ ہسپتالوں کی ویسٹ مینجمنٹ کے مناسب اور موزوں طریقہ کار کو یقینی بنا یاجا ئے۔جن ہسپتالوں میں انسنی ریٹرز لگائے گئے ہیں اْن کو فنگشنل بنا یا جائے اور ترجیحی بنیادوں پر مسئلے کے تدارک کے لیے ہسپتالوں میں فضلات کی حفظان صحت کے اصولوں کے مطابق تلفی کے عمل کو باقاعدگی سے مانیٹر کیا جائے اور یہ نوٹس لیا جائے کہ ہسپتالوں کے فضلات اور آلائشیں کہاں بھیجی جا رہی ہیں،کیونکہ حفظان صحت کے لئے یہ بہتر اور اہم پیش رفت ثابت ہوگی۔ورکشاپ کے انعقاد پر ایم ایس تحصیل ہیڈکواٹرہسپتال دورش ڈاکٹرضیاء الملک نے ڈسٹر کٹ ہیلتھ ڈیویلپمنٹ سنٹر(DHDC)چترال کوخراج تحسین پیش کرتے ہوئے کہاکہ سولڈ ویسٹ مینجمنٹ کے حوالے سے آگاہی ورکشاپ یہاں کے اسٹاف کے لئے انتہائی ضروری تھا ٹریننگ میں جوسیکھایاہے اْن پرعمل کیاجائے۔ورکشاپ میں ٹی ایچ کیوہسپتال چترال کے ڈاکٹرز،پیرامیڈیکل اسٹاف،میل فیمل نرسز،ڈسپنسر اوردیگراسٹاف نے شرکت کی۔پروگرام کے اخرمیں مہمان خصوصی اوردیگرسینئرڈاکٹرزنے شرکائے ورکشاپ میں سرٹیفکیٹس تقسیم کیں۔

اس خبر کو پرنٹ میں حاصل کریں