تازہ ترین

پولیس کی منشیا ت فروشوں کے خلاف کاروائی،مشکل وقت میں منشیات فروشوں کو فائدہ اٹھانے نہیں دیں گے۔ ڈی پی او چترال

چترال(نمائندہ چترال ایکسپریس)ڈی۔پی۔او چترال وسیم ریاض خان (PSP) کی خصوصی ہدایت پر ایس ایچ او تھانہ چترال انسپکٹر سجاد احمد نے کاروائی کرتے ہوئے ملزم عبدالناصر ولد عبدالحق سکنہ مستجاپندہ کے قبضے سے 53 گرام، منیر احمد ولد شیرآحمد سکنہ مستجاپندہ کے قبضے سے 56 گرام، احمد فراز ولد بارض خان سکنہ خورکشاندہ کے قبضے سے 42 گرام اور مجیب الرحمن ولد نور ولی خان سکنہ اورغوچ کے قبضے سے 35 گرام چرس برآمد کرکے ملزمان کو گرفتار کر کے مزید تفتیش شروع کردی۔ڈی پی او چترال وسیم ریاض نے اپنے پیغام میں کہا ہے کہ مشکل وقت میں منشیات فروشوں کو فائدہ اُٹھانے ہرگز نہیں دیں گے۔اُنہوں نے کہا کہ عوام چترال جہاں بھی منشیات فروشی ہورہی ہے کی نشاندہی کرکے ایک محب وطن شہری ہونے کا ثبوت دیکر چترال کے پولیس کے ساتھ تعاون کریں تاکہ چترال کے نوجوانوں کو منشیات کی لعنت سے بچایا جاسکے۔

Advertisements

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں

متعلقہ

زر الذهاب إلى الأعلى