fbpx

وزیراعلی محمود خان کا سوات سے تعلق رکھنے والے ٹرک ڈرائیورکے تین بیمار بچوں کا علاج معالجہ سرکاری سطح پر کروانے کا اعلان

وزیراعلی خیبر پختونخوا محمود خان نے مینگورہ سوات سے تعلق رکھنے والے ٹرک ڈرائیورشاہ زمین کی فریاد سن لی اور اس کے تین بیمار بچوں کا علاج معالجہ سرکاری سطح پر کروانے کا اعلان کرتے ہوئے محکمہ صحت کے متعلقہ حکام کو اس سلسلے میں ضروری اقدامات اٹھانے کی ہدایت جاری کی ہے۔ شاہ زمین کا پندرہ سالہ بیٹا بینائی سے محروم اور ذہنی بیماری کا شکار ہے جبکہ اس کے بارہ سالہ جڑواں بچوں میں سے بیٹی ہاتھ پاوں سے معزور جبکہ بیٹا موذی مرض ہیموفیلیا میں مبتلا ہے۔ شاہ زمین معاشی مشکلات کے باعث اپنے بچوں کے علاج پر آنے والے آخراجات اٹھانے سے قاصر ہے۔ ایک نجی ٹی وی چینل پر ان بچوں سے متعلق خبر نشر ہونے کے فوری بعد وزیر اعلی نے متعلقہ حکام کو ان بچوں کے مفت علاج معالجے کے لئے ضروری اقدامات اٹھانے کی ہدایت کی ہے۔ نجی چینل کو نمائندے کو انٹرویو دیتے ہوئے ان بچوں کے والد نے صوبائی حکومت سے اپیل کی تھی کہ ان کے بچوں کا سرکاری سطح پر علاج کروایا جائے۔ بچوں کے مفت علاج معالجے کے لئے احکامات جاری کرنے پر شاہ زمین نے وزیر اعلی کا شکریہ ادا کیا ہے۔ وزیر اعلی نے کہا ہے کہ معاشرے کے کمزور طبقوں کا خیال رکھنا حکومت وقت کی ذمہ داری اور پاکستان تحریک انصاف کے منشور کا اہم حصہ ہے جس کے لئے موجودہ حکومت ٹھوس اقدامات اٹھا رہی ہے ۔ انہوں نے یقین دلایا ہے کہ ان بچوں کے علاج معالجے کے سلسلے میں صوبائی حکومت ہر ممکن اقدامات کر گی۔

Advertisements
اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔
إغلاق