تازہ ترین

اپر چترال بونی،مین بازار میں ناقص صفائی،کارپارکنگ،سولر لائٹس کی خرابی،اور روڈ کی توسیعی کام میں سست روی کے حوالے سے اہم میٹنگ

اپرچترال(ذاکرمحمد زخمی)اپر چترال بونی کے مین بازار میں صفائی کی ناقص صورتحال، بازار میں کار پارکنگ کا عدم نظام، بازار میں سولر لائٹس کی خرابی اور بونی پل سے بونی ریسٹ ہاؤس روڈ کی توسیعی کام میں سست روی جیسے معاملات کو زیر بحث لاکر ان کے لئے حکمت عملی ترتیب دینے کے سلسلے میں ایک اہم میٹنگ زیر صدارت محمد ریاض خان اسسٹنٹ کمشنر ہیڈکوارٹر منعقد ہوا۔ اس میٹنگ میں مکرم خان افریدیAAC بونی، SDPO مستوج، ٹی،اہم،او مستوج، مورکہو،تورکہو، تحصیلدار مستوج اور ٹریفک انچارج نے شرکت کیں۔ طویل بحث و مباحثے کے بعد ذیل فیصلے لئے گئے۔1۔کار پارکنگ کے لئے تحصیلدار مستوج کی رہنمائی میں دونوں ٹی،ایم،اوز بونی میں کسی مخصوص جگے کی نشاندہی کریں گے اور اس پر کام کا آغاز جلد شروع کردیا جائیگا تاکہ کار پارکنگ کا نظام بہتر کیا جاسکے۔2۔بونی میں سرکاری اڈے کے علاوہ دوسرا ٹرانسپورٹ اڈا ٹرانسپورٹ سہولیات دے رہا ہے جو کہ بقول ٹی،ای،او مستوج غیر قانونی ہے۔ جس کی قانونی حیثیت کا اندازہ لگانے کے سلسلے میں SDPO مستوج، تحصیلدار مستوج، ٹی،ایم،او مستوج پر مشتمل ایک کمیٹی تشکیل دی گئی جو کہ بموقع وزٹ کرکے اڈا مالک سے کاغذات طلب کرکے اس کی تصدیق کریں گے کہ آیا اڈا قانونی ہے کہ نہیں۔3۔ ٹی،ایم،او مستوج روزانہ کی بنیاد پر بونی بازار اور روڈ کے اردگرد نالوں کی صفائی کو یقینی بنانے کا پابند ہوگا۔ 4۔ ٹی،ایم،او مستوج و ٹی،ایم،او موڑکھو/ تورکہو باالترتیب بونی بازار کے درمیان روڈ میں پانی کا سپرے باقاعدگی کی بنیاد پر کرنے کے پابند ہونگے۔5۔ ٹی،ایم،او مستوج بونی بازار میں خراب سولر لائٹس جلد مرمت کرکے بجلی کی فراہمی کو یقینی بنائے گی۔6۔ٹی،ایم،او مستوج بونی کے مختلف حصوں میں کوڑا کرکٹ ڈالنے کے لئے ڈسٹبین / ٹوکری نصب کرنے کو بھی یقینی بنائے گا تاکہ مین بازار میں کچھروں کا ڈھیر نہ ہو۔7۔ایکسئن سی،اینڈ،ڈبلیو اپر چترال بونی پل تا بونی ریسٹ ہاؤس روڈ کی توسیعی منصوبے کو بروقت تکمیل کرنے اور بازار کے مختلف جگہوں میں رکاوٹوں کو دور کرنے کا پابند ہوگا۔ اے،سی ہیڈکوارٹر نے مزکورہ بالا فیصلوں کو جلد از جلد منطقی انجام دینے کے حوالے سے احکامات صادر کیے۔

Advertisements

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں

متعلقہ

زر الذهاب إلى الأعلى