تازہ ترین

اپرچترال ضلعی انتظامیہ کا کورونا وایرس سے متعلق جاری کردہ ضابطہ اخلاق پرعملدرامد اغاز

اپر چترال(چترال ایکسپرس)مرکزی اور صوبائی حکومت کے احکامات کی روشنی میں کورونا وائرس سے متعلق جاری کردہ ضابطہ اخلاق پر عملدرآمد کا آغاز ہوگیا ہے۔ یہ اگاہی مہم خصوصاً 5دسمبر 2020سے 12دسمبر 2020تک بطور کریک ڈاؤن ویک جاری رہے گا۔ اس ضمن میں ڈپٹی کمشنر اپر چترال  شاہ سعود نے اپر چترال کے مختلف بازاروں، پبلک مقامات اور پیٹرول پمپس کا دورہ کیا۔ اس موقع پر ڈاکٹر قیصر میڈیکل آفیسر THQ ہسپتال بونی بھی ڈی،سی  کے ہمراہ تھا۔ اس دوران انہون نے تمام طبقہ فکر سے تعلق رکھنے والے افراد میں کورونا وائرس سے محفوظ رہنے اور احتیاطی تدابیر اپنانے کے حوالے سے آگاہی دی۔ ڈپٹی کمشنر  نے جملہ عوام و تمام کاروباری حضرات کو ان ضابطہ اخلاق پر ہر حال میں عمل کرنے اور ان کو اپنے روزمرہ کا لازمی حصہ بنانے کے سلسلے میں تاکید کی۔ اس دوران انہوں نے لوگوں میں ماسک بھی تقسیم کئے۔ انہوں نے مذید کہا کہ آج کے بعد خلاف ورزی کرنے والوں کے خلاف سخت کارروائی عمل میں لائی جائے گی۔

Advertisements

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں

متعلقہ

زر الذهاب إلى الأعلى